Spjald, skráð e. hlutv.

Varðveitt hjá

Úr aðfangabók: Steingrímur Steinþórsson, búnaðarmálastjóri Reykjavík: Spjald úr furu, 92,5 cm á hæð og 22 cm á breidd, sams konar eins og nr. 6345 a- c, enda er það úr milligerð milli kórs og kirkju í Hólakirkju eins og þau. Á efri hlutanum er máluð mynd af konu í rauðum skósíðum kyrtli með græna kápu yfir um sig. Á vinstri hönd konunnar er súla, sem hún styðst við, en hægra hönd heldur hún yfir brennandi loga á eins konar stjaka. Fyrir ofan er skrifað með skrifletri, sem nú er máð mjög, Stöðug Leiken. Grunnurinn er blár. Neðri hluti spjaldsins er ómálaður. Úr Mynd á þili: (Texti Þóru Kristjánsdóttur) „Elstu verkin sem varðveist hafa eftir Jón Hallgrímsson eru fjórar myndir af höfuðdyggðunum sem hann málaði í kvennlíki í nýreista steinkirkjuna á Hólum á árunum 1760-1763; þetta eru fjalir úr milligerð milli kórs og kirkju. Þrjár frummynda Jóns eru enn í Hóladómkirkju en ein kom í leitirnar árið 1936 og er nú varðveitt í Þjóðminjasafninu. Sú mynd sýnir „stöðugleikann“ eins og skrifað stendur efst á henni.“ [Þjms. 11948 Þessi fjöl] (Sett inn af Sigrúnu Blöndal,. 20.10.2010) Kirkjur Íslands, 6.bindi, bls. 205: Spjald úr milligerð milli kórs og kirkju, [...], með málaðri dyggð í konulíki og heiti hennar ofan við: Stÿrkleien. Spjaldið er klofið og illa skemmt. (sbl, 23.2.2011)

Aðrar upplýsingar

Jón Hallgrímsson, Hlutinn gerði
Gefandi: Steingrímur Steinþórsson

Efni

Lífræn efni, Viður, Fura

Safnnúmer

Safnnúmer A: 11948 Safnnúmer B: 1936-50

Staður

Staður: Hóladómkirkja, Hólar í Hjaltadal, 551-Sauðárkróki, Skagafjörður

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Spjald, skráð e. hlutv.

Heimildir

Þóra Kristjánsdóttir. Mynd á þili. Reykjavík, 2005: bls. 126 - 133. Kirkjur Íslands. 6. bindi. Ritstjórar: Jón Torfason, Þorsteinn Gunnarsson. Reykjavík, 2005.

Upprunastaður

65°44'0.1"N 19°6'50.8"W