Teikning, listræn
1850 - 1890
Varðveitt hjá
Þjóðminjasafn Íslands
Teikning eftir Sölva Helgason, hinn þekkta umferðarmann ("flæking"), f. 1820, d. 1895. Myndin er í raun samsett af tveimur myndum sem þó tengjast lauslega á samskeytum í teikningu. Þær eru málaðar á tvær ljósar pappírsarkir en svo límdar saman á eitt pappaspjald, önnur ofan við hina og eru samskonar form í þeim báðum. Efri hlutinn sýnir upphafsstaf Sölva; S, í bláum og rauðum lit og allt um kring eru blóm í appelsínugulum, rauðum, grænum, bleikum og bláum litum. Neðri hlutinn sýnir blóm og blómfléttur í rauðum, grænum, bláum og fjólubláum litum. Litirnir eru líklega vatnslitir sem Sölvi hefur útbúið sjálfur. Myndin er í góðu ástandi og litirnir skærir og lítið upplitaðir. Sjá má að pappírinn hefur einhvern tíma verið brotinn saman en það er þó ekki mjög áberandi. Myndin hefur skaddast svolítið á efri hlutanum þar sem rifnað hefur úr pappírnum þegar myndin hefur núist utan í eitthvað og dregist til. Annars er myndin í góðu ástandi.
Kom ásamt öðrum myndum eftir Sölva nr. 1989-136. Myndirnar eru alls sjö, sumar hverjar samsettar úr fleiri en einni mynd. Mest eru þetta blómamyndir og myndir af jurtavafningum en einnig upphafsstafir og nöfn. Þessar myndir voru í eigu Halldóru Bjarnadóttur, ritstjóra Hlínar á Akureyri (f. 14.10.1873, d. 28.11.1981) og hún gaf þær safninu 25.2.1956, tók þær svo aftur árið 1973 og kvaðst aldrei hafa gefið en afhenti þær síðan Stefáni Jónssyni arkitekt, víst að gjöf. Sonur hans, Stefán Örn Stefánsson arkitekt, gaf svo safninu teikningarnar 18.5.1989.
Sjá önnur verk eftir Sölva Helgason hér í safninu nr. 7990, 8431, 8839, 10441, Á 167 og Á 171 - 176.
Aðrar upplýsingar
Sölvi Sólon Íslandus Helgason, Hlutinn gerði
Halldóra Bjarnadóttir, Notandi
Gefandi: Stefán Örn Stefánsson
Halldóra Bjarnadóttir, Notandi
Gefandi: Stefán Örn Stefánsson
Ártal
1850 - 1890
Efni
Safnnúmer
Safnnúmer B: 1989-136-3
Stærð
42 x 68.8 cm
Lengd: 42 Breidd: 68.8 cm
Aðfangategund
Undirskrár
Undirskrá: Munasafn
Efnisorð / Heiti