Búðartjald, frá alþingi
Varðveitt hjá
Þjóðminjasafn Íslands
Búðartjald frá alþingi á Þingvelli við Öxará, það er 2 3/4 al á leingd. enn 2 al. á breidd: Þetta er tjald um þvera búð til afdeilingar, og sem átt hefur Ólafur Stephensen stiptamtmaðr [f. 1731, d. 1812]: það er hið einasta tjald að því ég veit sem til er notað sem hefir verið á alþingi hinu forna meðan það stóð*, sem búðartjald, þetta er einungis annar partur tjaldsins, hinn er glataður. Tjaldið er með hvítum grunni með smádröfnum en allt sett með röndum og dökkrauðum blómstrum og blöðum, en með svo föstum lit (ekta), að það lætr aldrei litinn, hversu opt sem það hefur verið þvegið, þetta er gróft hörlerept og var kallað hollenst lérept, rósirnar eru þrykktar í, annað orð hefi ég ekki yfir það er vel skilst. Þess skal getið, að tjald þetta getr verið miklu eldra, en frá tíð Ólafs stiptamtmanns, því það er víða dregið og sumstaðar bætt af sama efni, til aðhalds því við, enn að öðru leiti er það heilt og vel um gengið.
Seinni kona Stephens amtmanns á Hvítárvöllum, gaf systur sinni, seinni konu síra Jóns Hjaltalíns síðust á Breiðabólsstað á Skógarströnd, tjald þetta: síra Jón gaf aptr tjaldið sonardóttur sinni Guðrúnu Oddsdóttir sem er móðir frú Sigurbjargar Ólafsdóttir í Flatey, og hjá henni fékk ég tjald þetta.
Sjá jafnframt nr. 3299 sem fylgir þessu tjaldi.
*Þinghaldi á Þingvöllum við Öxará lauk 1798.
Aðrar upplýsingar
Safnnúmer
Safnnúmer A: 3298
Safnnúmer B: 1889-113
Stærð
173.25 x 126 cm
Lengd: 173.25 Breidd: 126 cm
Staður
Staður: Þingvellir, 801-Selfossi, Bláskógabyggð
Aðfangategund
Undirskrár
Undirskrá: Munasafn
Efnisorð / Heiti
Efnisorð: Búðartjald, frá alþingi
Upprunastaður
64°15'25.7"N 21°7'15.9"W