Pennahnífur

Varðveitt hjá

Pennahnífur. Öll lengd 12.4 sm. Blaðið, sem er úr stáli, er 3.4 sm á lengd, breidd þess mest 0.4 sm. Það er örlítið íbjúgt og hak í bakkann. Skaftið mjókkar í báða enda, er sporöskjulaga í þverskurð, þvermál mest 1.1 sm. Það er úr einhverju léttu efni, sem þakið er málmi og smelliskrauti. Á endum þess eru málmhettur með upphleyptu skrauti og gullhúð (armoulu). Hettan að aftan kemur fram í sívalan odd, með samhliða rákum endilangt. Bilið milli hettanna er þakið smeltihúð. Grunnurinn er dökkblár. Á hvorri aðalhlið liggur langsendis sporöskjureitur með marglitu blómskrauti á hvítum grunni og silfruðum jöðrum. Reitirnir eru samhangandi um báðar brúnir skaftsins. Út frá endum þessara reita eru á hverjum stað tvær samhverfa boglínur og lítill kross. Smeltið er farið að molna við hettubrúnirnar, blaðið er örlítið skakkt, en að öðru leyti er hnífurinn óskemmdur. Hann er í empire stíl, og mun vera frá því um 1800. Hefur hnífurinn verið í sænskri móðurætt gefanda sem erfðagripur. Hann er einstaklega snotur.

Aðrar upplýsingar

Gefandi: Magnús Már Lárusson

Safnnúmer

Safnnúmer A: 15265 Safnnúmer B: 1952-143

Stærð

12.4 x 0 x 0 cm Lengd: 12.4 Breidd: 0 Hæð: 0 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Pennahnífur