Stórviðarsög
Varðveitt hjá
Þjóðminjasafn Íslands
Stórviðarsög úr eigu
Ófeigs Ófeigssonar, baðvarðar í Melaskóla. Þetta þversög og gerðin einföld.
Mjög langt stálblað, bogadregið nokkuð við langbrúnir og tannaröð á annari,
og á henni meiri sveigja, en tréhandföng, slétt kefli, mislöng nokkuð,
líklega úr birki, sett á enda, lóðrétt, og ganga bæði upp fyrir að ofan,
annað nær næstum að neðri langbrún og hitt lítið eitt niður fyrir hana.
Dálítið vita endar blaðs inn að ofan. L. sagarinnar 1 m 34 sm, blað um
1 m 22 sm á l., br. mest við miðju, liðl. 14 sm, en við enda 8.5 sm og
8.7 sm, sagað neðan af öðru skaftanna og l. þess um 27 sm, þvm. 3.5 sm,
en hitt 30.5 sm á l. og 3.4 sm að þvm. Tennurnar í söginni þríhyrningslaga,
hefst skerðing um 8 sm frá endum og skiptast á stórar tennur og litlar,
hinar stóru 55 talsins, h. 0.5 til 1.5 sm, hinar litlu flestar meira en
hálfu lægri. Nokkuð hækka stóru tennurnar, er nær dregur endum, en jafnframt
lækka þær smáu. Sköftin eru kringlótt í þverskurði enda á milli. Á hinu
lengra er sneitt utan af við neðri enda og allt umhverfis á um 7.5 sm löngu
bili og hér tengist blað, en ofan við eru á skaftbol tvær mjóddir og lágur
gúlpur á milli, þar mestur gildleiki, 3.4 sm, af hinu styttra er tekið
stykki að neðan, þar sem úrtaksbrún er á hinu, eða þar um bil, þvm. við
miðju 3.5 sm, endi að neðan skáhallur nokkuð. Handföng og blað tengd með
járnklóm, einni hvorum megin, þetta nagli með kluft (?), armar falla um
blað og er haldið með rónagla, en leggur rekinn út gegnum skaft, á endum
skerðingar og vængjaskrúfa á. Ílangar járnáfellur settar lóðrétt að lengra
handfanginu að innan og utan, l. 6.5 sm, önnur, sú sem að utan er, liggur
undir skrúfu, en hin er í bilinu milli blaðenda og skafts, sams konar áfella
undir skrúfunni á styttra handfangi, l. 6.3 sm. Ekki all stórt gat, kringlótt,
í gegnum blað ofan greiparenda (?), og íbjúgt skarð er í brún blaðs að
neðan hjá endum. Í annað gatanna, það sem liggur við styttra skaftið, er
þræddur vír, og honum vafið um skaftbol. Viður dökkleitur
og meiðsl á, ryð á járni, tennur margar sljóar og brotnar, af annari skrúfu
en brotnir báðir vængir, en af hinni annar. Sbr. Þjms. 14851,
o.fl.
Aðrar upplýsingar
Safnnúmer
Safnnúmer A: 15539
Safnnúmer B: 1954-172
Stærð
134 x 0 x 0 cm
Lengd: 134 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Stórviðarsög