Úrfesti
1800 - 1850
Varðveitt hjá
Þjóðminjasafn Íslands
Úrfesti úr fléttuðu mannshári með
búnaði úr gulli til endanna og að auki einni festingu, ferhyrndri, einnig
úr gulli. Festin er í góðu ástandi en þó slitin á einum stað. Festin er
samsett úr þremur, fléttuðum snúrum. Festin er úr eigu annarrar tveggja
eiginkvenna Björns Gunnlaugssonar, yfirkennara og landmælingamanns (1788-1876):
Ragnheiðar Bjarnadóttur (1787-1834) eða Guðlaugar Aradóttur (1804-1873).
Um tíma var vinsælt meðal kvenna að senda hár úr sér til Kaupmannahafnar
til að láta gera úr því úrfestar handa eiginmönnum sínum eða unnustum.
Með festinni fylgir kort sem á stendur:
18-10-1985.
Kæra mágkona, Ólöf Bjarnadóttir!
Innilegar hamingjuóskir með 90 ára afmælið. Eg sendi þér gamla festi; sem
önnur hvor kona langafa þíns Björns Gunnlaugssonar átti. Festin sýnir að
hlutunum hefir verið haldið vel við á þeim tíma, en gullið til endanna
er þó altaf gull. Ingibjörg Jensdóttir gaf mér festina. Vertu blessuð og
sæl, þín mágkona Guðrún Helgadóttir.
Gefandi er Rósa Guðmundsdóttir,
Þorragötu 7, Reykjavík.
Aðrar upplýsingar
Gefandi: Rósa Guðmundsdóttir
Ártal
1800 - 1850
Efni
Safnnúmer
Safnnúmer B: 2006-22-3
Stærð
31 x 0 x 0 cm
Lengd: 31 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Úrfesti