Göngustafur
Varðveitt hjá
Þjóðminjasafn Íslands
Göngustafur með útskornu
handfangi úr tönn, og gullbúinn, sem dr. Jón Þorkelsson skjalavörður átti.
L. stafsins um 89,5 sm, húnn tæpl. 13.9 sm á l., og þvm. mest við enda
að aftan, um 5.9 sm, leggurinn um 2.5 sm að þvm. Skorið er handfangið í
mjög fallega, hvítgula tönn, sem virðist úr hval, það er kringlótt í sniði
að mestu leyti, hallar nokkuð niður frá kverk, gildnar að ytri enda og
þar gerður sporlaga flötur, lítið eitt kúptur, sem á er skorið, veit hann
upp og niður, og hallast út að ofan og til hliða. Leggurinn er úr eik,
niðurmjór, um hann gullhólkur efst, sem fest er með gylltum nagla, en grönn,
ávöl þrim með upphleyptum dílum á endum hans, björg úr blikki sett yfir
enda stafs að neðan, fremst á henni stál, og er hún negld með tveimur litlum
járnnöglum. Lágt upphleypt mynd gerð á handfangsenda, og eru hér skorin
Mímir og Saga, og letruð kveðja. Heldur Mímir á stóru drykkjarhorni, en
Saga ristir á töflu, er vísa á, nafn hennar fyrir neðan og letrað með rúnum.
Alls tólf línur með nafni. Rist er þetta: Þrætt hefur / ion þorkels /arfi
minns fi / ölspeki miö / g hann einken / na og mærða / r kingi / saga.
Á lágt upphleyptri umgerð, sem skorin er utan með, er perluröð í lækkuðum
skára, en næst fleti rís örmjó, lág þrim og gróp á eftir miðju. Neðan á
greip og við enda að framan er rist rúnaáletrun í tveimur línum, og liggja
þær eins og strendan (?), letur lítið eitt stærra en á töflunni, rist er:
Vinar / þökk fra h.i. Grafið með skrautletri utan á hólk: Dr. Jón Þorkelsson
/ 1920. Gullið 14 k. Fallegur gripur. Hjálmar
Lárusson myndskeri skar. Samskeyti við handfang lasin nokkuð,
hólkur og hetta ekki vel föst, en dældir má sjá á hólk og svolítil meiðsl
á handfangi. Sbr. grein um Hjálmar Lárusson í Óðni árið 1921.
Aðrar upplýsingar
Efni
Safnnúmer
Safnnúmer A: 15632
Safnnúmer B: 1955-81
Stærð
89.5 x 0 x 0 cm
Lengd: 89.5 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Göngustafur