Kaleikur
Varðveitt hjá
Þjóðminjasafn Íslands
Þjónustukaleikur og -patína í viðarhylki. Hylkið er botnlaust en svo þröngt að neðan að kaleikurinn dettur ekki niður úr því heldur myndar botn í það. Á hylkið sjálft eru skornar rendur sem ganga hringinn í kringum það en ofan á lokið er skorið munstur. Kaleikurinn er á fæti 6,1 cm hár og 4,3 cm í þvermál. Patínan er 5,2 cm í þvermál - hún liggur ofan á kaleiknum í hylkinu. Í aðfangabókina er skrifað. „Ingibjörg Magnúsdóttir frá Laufási, afhent af Vilborgu Björnsdóttur, dóttur hennar eftir lát hennar: Þjónustukaleikur og patína í útskornu hylki. Séra Björn Björnsson í Laufási, maður Ingibjargar, átti þessi ker, en á undan honum séra Kristján Eldjárn Þórarinsson á Tjörn. Við jarðarför séra Kristjáns 1917 flutti séra Björn ræðu, og gaf þá Þórarinn sonur sr. Kristjáns honum kerin. Talið er að sr. Þórarinn í Vatnsfirði faðir sr. Kristjáns hafi átt þau á undan honum“.
Aðrar upplýsingar
Safnnúmer
Safnnúmer B: 1968-261
Stærð
6.1 x 4.3 cm
Lengd: 6.1 Breidd: 4.3 cm
Staður
Staður: Laufás, 601-Akureyri, Grýtubakkahreppur
Aðfangategund
Undirskrár
Undirskrá: Munasafn
Efnisorð / Heiti
Efnisorð: Kaleikur
Upprunastaður
65°53'44.6"N 18°4'17.4"W