Panta mynd Notkunarskilmálar

Grafletursspjald

1689

Varðveitt hjá

Þjóðminjasafn Íslands

Úr aðfangabók: Grafletursspjald, skorið úr furutré, úr sömu (Laufás) kirkju. Það er ferhyrnt í laginu, en lángt og mjótt með strikaðri umgjörð allt í kring. Á það er skorinn sporbaugur, og þar innan í tveir englar, sem halda blómgrein í annari hendinni, en með hinni halda þeir grafleturstöflu sporöskjulagaðri, sem ritað er á með gotnesku letri: HIER HVYLER SA IPPARLEGE ASTVIN DROTTENS SEERA THORSTEIRN GEIRSON I I'CHISTO BURTSOFNADVR 1689. Úr Mynd á þili: (Texti eftir Þóru Kristjánsdóttur) Þó nokkrir gripir hafa verið eignaðir Illuga Jónssyni, bónda og snikkara í Nesi í Höfðahverfi. Meðal þeirra eru fjögur grafletursspjöld sem eru útskorin og máluð ýmsum litum. Hér er um að ræða grafletursspjald yfir Þorsteini Geirssyni í Laufási, d. 1689. Hann þjónaði Laufássókn (og sömuleiðis bróðir hans sem einnig er til grafletursstafla fyrir). Grafskriftartöflurnar eru allar með líku verki: „.... framhliðin útskorin og ber þar mest á vængjuðum englahöfðum, blómastrengjum, innrömmuðum leturflötum ýmist með gotnesku eða latnesku letri, aldinklasateinungum og stundum hauskúpum.“ Sjá frekar í Mynd á þili, bls. 78 - 83. (Sett inn af Sigrúnu Blöndal, 7.10.2010)