Til baka í leit
Veistu meira?

Broddstafur

Varðveitt hjá
Þjóðminjasafn Íslands
Broddstafur, af venjulegri gerð, með skafti úr eik og hólk úr látuni, en járn í viðrum og broddi. Lengd hans 1 m 81,3 cm, og þar af er lengd skafts, sem er kringlótt í þverskurði og gildnar fram, l m 71 cm en þvermál 3,7 cm, broddurinn, þverstrendur, er um 10 cm á lengd, og gildleiki 1,6 cm. Á stafnum eru fjórir veðrar, stuttir, á hólknum tunguröð og ýmis upphleypt og grafin bönd. Sjá má dálitla mjódd við efri enda á skafti. Hólkurinn með spanskgrænu og all dökkur, járnið ryðgað. Broddfærin gefur Sigurður Þorsteinsson, Teigarseli á Jökuldal. Eru þau sennilega smíðuð skömmu eftir aldamót, vafalaust á verkstæði Björns Pálssonar, Refsstað í Vopnafirði. Stöngina smíðaði og gaf bróðir hans, Guðmundur Þorsteinsson frá Lundi, nýlega og er hún úr eik af Leirhafnarreka. Hann hefur endurnýjað veðrana, því þeir voru orðnir ryðgaðir og tærðir. Guðmundur telur slíka broddstafi hafa verið algenga eystra fram um 1920.

Aðrar upplýsingar

Efni
Safnnúmer
Safnnúmer B: 1965-28
Stærð
181.3 x 0 x 0 cm Lengd: 181.3 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Broddstafur