Til baka í leit
Veistu meira?

Jeppi

1946
Varðveitt hjá
Þjóðminjasafn Íslands
Willys jeppabifreið af árgerð 1946, er fyrst var í eigu föður gefanda, Kristjáns Eldjárns þjóðminjavarðar. Kristján keypti jeppann nýjan, var kaupverð þá um 9 þús. kr. með blæjum. Hann hafði gert nafnaskrá yfir Sturlungu og keypti jeppann fyrir það fé, er hann fékk fyrir nafnaskrána. Kristján fékk leyfi fyrir jeppanum meðal annars vegna þess, að hann yrði notaður í þágu Þjóðminjasafnsins til ferðalaga. Notaði hann jeppann í allmörg ár en seldi hann síðan Hirti bróður sínjm á Tjörn er notaði hann um áratuga skeið við búskapinn. Síðan seldi hann manni á Dalvík jeppann er átti hann stutt er Ingólfur komst á snoðir um hann og keypti og gerði í upphaflegt stand og nánast sem nýr væri. Karfan er nýsmíðuð, blæjurnar hinar upphaflegu, voru geymdar uppi á lofti í Þjóðminjasafni frá því er smíðað var á hann hús. Gert var við jeppann upp úr 1980, en Ingólfur hefur aðeins ekið honum um 6 þús. km.

Aðrar upplýsingar

Ártal
1946
Safnnúmer
Safnnúmer B: 1990-32
Sýningartexti
Willys-jeppabifreiðar voru fluttar til landsins í allmiklum mæli eftir seinna stríð, einkum til landbúnaðarþarfa, enda oft kallaðar ,,landbúnaðarjeppar". má segja, að með þeim, og Farmal-dráttarvélunum, hæfist vélvæðing í sveitum. Jepparnir voru mikið notaðir við heyskap og mátti jafnvel fá á þá sérstakar sláttuvélar. Willys jeppar voru  nánast eins og ,,herjeppar",, sem framleiddir voru í Ford-verksmiðjunum til hernaðarþarfa. Þetta voru einföld farartæki og þurfti ekki mikla leikni til að aka þeim, sterkbyggðir bílar og voru mjög notaðir til ferða um vegleysur. Þeir ollu byltingu í ferðum að vetrarlagi, og fyrstu jeppar í eigu Íslendinga voru keyptir handa læknum á landsbyggðinni. Nafnið ,,jeppi" er leitt af enska orðinu "jeep", sem er framburðarstytting á orðunum "General Purpose Vehicle", GP, farartæki til almenningsþarfa. Þennan jeppa eignaðist Kristján Eldjárn þjóðminjavörður nýjan árið 1946, kostaði þá 9.000  kr. Jepparnir komu með blæjum, fljótlega voru smíðuð á þá hús. Svo var og um þennan jeppa, en upphaflegu blæjurnar varðveittust og eru þá á bílnum (nema bílstjórahurðin).  Síðar var þessi jeppi í eigu Hjartar bónda á Tjörn í Svarfaðardal, bróður Kristjáns, og var notaður þar á búinu um langa hríð. Ingólfur Eldjárn, sonur Kristjáns, lét gera jeppann upp og gaf hann síðar Þjóðminjasafni Íslands.
Aðfangategund
Undirskrár
Undirskrá: Munasafn
Efnisorð / Heiti
Efnisorð: Jeppi