Handlína

Varðveitt hjá

Hvítur dúkur með ísaumuðu blómamunstri í öllum hornum. Faldaður með húllfaldi. Í tveimur gagnstæðum hornum er munstrið eins, laufblöð og blóm eru applikeruð eða saumuð með frönskum saum. Hin hornin eru mjög lík og er munstrið ekki hið sama og tveimur hinum fyrr lýstu og minna um applikeringu. Í öðru hinu síðarnefnda er fangamark útsaumað Th A, og í hinu gagnstæða horni er blóm í stað bókstafa. Handlínan er nokkuð tekin að slitna. Á síðari tímum hefur handlínan verið notuð til að breiða undir skírnarskálina við skírnir í fjölskyldunni. Upphaflega er handlín notað fyrir klút. Konur höfðu oft slíkan klút festan við belti við íslenska búninginn. Fyrsta manneskjan sem vitað er að átti handlínu þessa var Kristrún Jónsdóttir frá Grenjaðarstað. Hún var trúlofuð Baldvin Einarssyni, en giftist Hallgrími prófasti á Hólmum í Reyðarfirði. Dóttir hennar, Kristrún Þuríður Hallgrímsdóttir, fékk næst handlínuna. Hún var kona Jóns Ásmundssonar Johnsen sýslumanns í Odda. Dóttir þeirra Ingibjörg fékk þar á eftir gripinn. Ingibjörg þessi Jónsdóttir var föðursystir Guðrúnar Ólafsson, móður gefanda (fædd Jónsdóttir Johnsen) en gift Ragnari Ólafssyni. Guðrún móðir Þuríðar (gefanda) fékk handlínuna frá frænku sinni Ingibjörgu og loks eignaðist Þuríður hana og kaus að gefa hana til Þjóðminjasafns Íslands. Gefandinn sagði að sú hefð fylgdi að hún væri frá Grenjaðarstað en jafnframt að hún væri úr móðurætt sinni. Elsa E.Guðjónsson safnvörður hefur gert þá athugasemd vegna fangamarksins á handlínunni að sr. Ásmundur Jónsson í Odda hafi átt bæði Þóru og Þuríði fyrir dóttur.

Aðrar upplýsingar

Gefandi: Þuríður Ragnars Einarsson

Efni

Lífræn efni, Textíll, Gervivefjarefni, Rayon, Léreft
Lífræn efni, Textíll, Náttúruleg vefjarefni, Bómullarefni, Léreft

Safnnúmer

Safnnúmer B: 1980-24

Stærð

97 x 93 cm Lengd: 97 Breidd: 93 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Handlína