Líkan, eftirlíking, skráð e. hlutv.
Varðveitt hjá
Þjóðminjasafn Íslands
Líkan af gaddabeisli.
Spelka úr krossviði, lítil, með gati gegn við báða enda, og þar þrædd
hvít nælonsnúra, myndar hún kjálkólar báðar á beisli og taum öðru megin,
við innri hlið miðja á spelkinni eru svo reknir tveir litlir járntittir
eins og fjöl snýr, gaddarnir, vír með plasthúð sýnir mélin, þar sem ekki
er hafður taumur er hornsylgja með tveimur augum fest neðan méla og taumurinn
dreginn gegn. Lengd við spelkina 16 cm, breidd 2,3 cm og þykkt 0,5
cm, götin eru sem hálfmáni í laginu og veit beina hliðin gegnt endum, vídd
1 cm, tittirnir 0,5 cm á lengd, bil á milli 2,1 cm, en frá spelk að mélum
22,5 cm, breidd við mélin um 7,5 cm, sylgja 5,7 cm á lengd, breidd 2,7
cm, og lengd taumsins er um 2 cm. Rissuð er umgerð kringum gaddana
og díll gerður hjá hornum.
Búið hefur til Jón
Júníusson frá Seli í Stokkseyrarhreppi. Í greinargerð með hlut þessum
segir: "Þegar jeg var að alast upp á Syðra-Seli við Stokkseyri,
var gömul kona á næsta bæ, sem Þórný hét. Þórný mun hafa verið fædd
um 1850. Hún hafði verið vinnukona í Óseyrarnesi hjá Grími Gíslasyni
ömmubróður mínum. Þórný sagði, að í sinni tíð í Nesi hafi verið 2
hestar, sem ekki var hægt að nota, nema hafa á þeim gaddabeisli. Gaddarnir
get jeg til, að hafi verið 1 cm á lengd og ekki beittir. Ferhyrningurinn
strikaði var járnplata, sem gaddarnir voru festir í. Spýtan var úr
góðri eik, sem svara mundi þykkt á höfði hestsins, breidd um 5 cm. Gaddabeisli
held jeg hafi verið niðurlögð löngu fyrir aldamót." (1900)
Aðrar upplýsingar
Efni
Safnnúmer
Safnnúmer B: 1963-78
Stærð
16 x 2.3 x 0.5 cm
Lengd: 16 Breidd: 2.3 Hæð: 0.5 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Líkan, eftirlíking, skráð e. hlutv.