Róða
Varðveitt hjá
Þjóðminjasafn Íslands
Róða af róðukrossi. Hún er skorin í eik og er öll úr einu tré, nema handleggir, þeir sérsmíðaðir, og festir í með töppum. Lengd (hæð) 32.5 sm, faðmurinn 3.6 sm. Myndin er skorin í barokkstíl. Mikil sveigja er í kropp og limum, bolurinn mjóstur neðan við brjóstið, höfuðið fremur smátt. Það hallast fram og til hægri. Hárið er mikið og liðað. Húðin er með grágulum lit, en hár, skegg og þyrnikóróna með blásvörtum, varirnar rauðar, og blóðið í síðusárunum með sama rauða litnum. Lendarklæðið er samlitt húðinni. Alls staðar sést hvít skán á viðnum, þar sem málningin hefur flagnað af. Lítið er eftir af málningu aftan á róðunni, og mikið hefur flagnað af á fótleggjum, handleggjum og á klæðinu. Nagla vantar á fótum og vinstri hendi. Handleggirnir eru nú lausir. Róða þessi er fremur vel skorin. Hún er sérkennileg, og ekki gott að skipa henni í flokk með öðrum róðum á safninu.
Róðan (líkneskið) var í dóti sem séra Arnór Árnason í Hvammi í Laxárdal (í Skagafirði) lét eftir sig.
Aðrar upplýsingar
Gefandi: Helgi Konráðsson
Efni
Safnnúmer
Safnnúmer A: 15221
Safnnúmer B: 1952-94
Stærð
32.5 x 0 cm
Lengd: 32.5 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Róða