Til baka í leit
Veistu meira?

Fingurgull

1700 - 1720
Varðveitt hjá
Þjóðminjasafn Íslands
Fingurgull með svörtum steini. Hringurinn sjálfur er flatur og alveg sléttur með hvössum brúnum og því lítið sem ekki máður, hann verður allur gildari eptir því sem nær dregur steininum. Umgerð steinsins er töluvert há og víkkar upp, slétt utan og áttstrend eins og steinninn: barmarnir eru breiðir ofan og skora niður í. Steininn ber lítið eitt hærra en barmana og er grafinn: á honum er sporöskjumyndaður skjöldur og markaður á fugl, en blómsveigar utan með til beggja hliða: ofan á skildinum er kúla og stendur fugl ofan á kúlunni: beggja vegna við fuglsmyndina standa stafirnir J T W með latínuletri. Þetta er að minni hyggju fangamark einskis annars en Jóns biskups Þorkelssonar Vídalíns, því að enginn annar hérlendur maður mundi hafa átt þetta fangamark og um leið getað átt hring þennan: en hringurinn fannst uppi á Sandhrygg, sem svo er kallaður, nálægt Leggjabrjótsveg milli Þingvallasveitar og Botnsdala fyrir einum 10 árum og hefir biskupinn því týnt hringinum einhvern tíma, er hann var þar á ferð.

Aðrar upplýsingar

Ártal
1700 - 1720
Efni
Safnnúmer
Safnnúmer A: 4010 Safnnúmer B: 1894-53
Staður
Núverandi sveitarfélag: Kjósarhreppur, Kjósarhreppur
Sýningartexti
Fingurgull með svörtum steini sem í er grafinn sporbaugslaga skjöldur með fugli, ofan á skildinum er kúla sem á stendur annar fugl og beggja vegna hans grafnir stafirnir JTW með latínuletri. Er óefað talið fangamark Jóns biskups Vídalíns, d. 1720. Hefur hann þá týnt hringnum, sem fannst um 1874 á gömlu alfaraleiðinni um Leggjabrjót, milli Þingvalla og Botnsdals í Hvalfirði. Sú leið var mjög farin fyrrum milli suður- og vesturlands. 4010 Fingurgull með svörtum steini sem í er grafinn sporbaugslaga skjöldur með fugli, ofan á skildinum er kúla sem á stendur annar fugl og beggja vegna hans grafnir stafirnir JTW með latínuletri. Er óefað talið fangamark Jóns biskups Vídalíns, d. 1720. Hefur hann þá týnt hringnum, sem fannst um 1874 á gömlu alfaraleiðinni um Leggjabrjót, milli Þingvalla og Botnsdals í Hvalfirði. Sú leið var mjög farin fyrrum milli suður- og vesturlands.
Aðfangategund
Undirskrár
Undirskrá: Munasafn
Efnisorð / Heiti
Efnisorð: Fingurgull