Vasaúr
Varðveitt hjá
Þjóðminjasafn Íslands
Gullúr, sem Eiríkur
Magnússon bókavörður í Cambridge átti. Er þetta lítið vasaúr, kringlótt,
flatt, með ávölum brúnum, trekkjari efst og á hnokka (?) á hálsinum, en
kassi skrautlegur mjög. Þvm. úrsins allt 5.3 sm, þ. liðl. 1.1 sm og þvm.
hnúðs 0.7 sm. Að aftan tvenn lok, að framan skífa úr hvítu smelti og hornglersþynna
yfir, örlítið kúpt, og lok með kringlóttu opi í miðju, um 1.4 sm að vídd.
Snúast öll lokin á hjörum við brún gegnt trekkjara. Höfð eru mörk stunda
og mínútna umhverfis opið á kassa og rómverskar stundatölur, en við brúnir
þess hringar tveir, grafnir sammiðja. Á skífu eru stundir markaðar eins.
Eru tólf yzt til vinstri, utan talnaraðar baugur úr tveimur línum, en milli
þeirra mínútumörk, þverstrik, og þríhyrningsdíll í baug þessum aftan tölunnar
tólf og andspænis hægra megin. Sekúndureitur, kringlóttur, er til hægri
á skífu, og er hann lækkaður, á þessum hluta baugur, þverstrikaður, serkneskar
tölur að innan, er sýna tugi, og eru 60 til vinstri, vegna legu á skífunni
hverfa sex við ytri baug og atriði þetta sker bæði fimm og sjö. Allt er
svart á lit, sem á úrskífuna er markað, og vísarnir dökkir, tölurnar við
op grafnar, merkin þar og baugur, og vísarnir dökkir, tölurnar við op grafnar,
merkin þar og baugur, og dökkblár litur á. Sjá má gegnum spróginn vísana
tvo hina stærri og vinstri hluta sekúndukringlu. Grafið ýmislegt flúr að
utan, víða stílfært jurtaskreyti og aftan á loki blómamynd. Lóðréttar skorur
í hnúð trekkjara. Áletranir ýmsar og merki greypt á eftra lokið á baki
og báðum megin á hið innra. Númer, sem ekki sést á úrum sömu gerðar, innan
á ytra loki, en á úthlið hins merki frá ensku úrsmíðaverkstæði. Cylindergangur,
og mun verkið svissnekst. Hægra megin við trekkjara gengur út á brúnina
lítið typpi, sem þrýst er niður, þegar vísar eru færðir. Lítil fjöður á
brún að framan undir loki, gegnt typpi þessu og trekkjaranum. Mjög
snotur gripur. Nokkuð er kassi máður og hrokkið hefur úr skífu
lítið eitt. Engin festi. Gefandi hlaut úr þetta að gjöf frá frk. Sigríði
Gunnarsson um þær mundir sem hann skrifaði Sögu Eiríks Magnússonar. Hætti
það að ganga, meðan hann átti það, og gengur ekki nú. Sbr.
Ásbúðarsafn. Sjá: Ísl. Æviskrár, 1. bls. 415-'16.
Aðrar upplýsingar
Efni
Safnnúmer
Safnnúmer A: 15609
Safnnúmer B: 1955-57
Stærð
5.3 x 0 x 0 cm
Lengd: 5.3 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Vasaúr