Fermingarkort

1960

Varðveitt hjá

Sjö fermingarkort sem bárust föður gefanda, Ómari Hlíðkvist Jóhannssyni á fermingardegi hans, 18. apríl 1960. Kortin eru eftirfarandi: - Framan á kortinu er mynd af gulum rósavendi og þar stendur Fermingarósk. Inni í kortinu eru gylltar myndir af fuglum. Þar stendur: Innilegar hamingjuóskir á fermingardaginn 18. apríl 1960. Til Ómars Hlíðkvist Jóhannss. Frá Diddu og Ragnari. Einnig er prentað ljóð eftir Matthías Jochumsson: Ó, sjá þú drottins björtu braut, / þú barn, sem kvíðir vetrar-þraut: / í sannleik, hvar sem sólin skín, er sjálfur guð að leita þín. Á bakhlið kortsins er prentað: Snæfell, Prentverk Þorkels Jóhannessonar. - Framhlið kortsins er mikið til rauð, með mynd af gulum rósavendi og þar stendur: Fermingarósk, og kortið er mjög svipað því sem að ofan er lýst. Inni í því eru myndir af gylltum fuglum og þar stendur: Innilegar hamingjuóskir á fermingardaginn 18/4 1960. Til Ómar H Jóhannsson Frá Skúli E Skúlason [Skúli Eyjólfur Skúlason var móðurbróðir Ómars]. Inn í kortið er einnig prentuð vísa: Hvorki gleði, hryggð né hagur, / heitir takmark lífs um skeið / heldur það, að hver einn dagur, / hrífi oss lengra fram á leið. Á bakhlið kortsins er prentað: Snæfell, Prentverk Þorkels Jóhannessonar. - Á framhliðinni er svart-hvít mynd af Fríkirkjunni í Reykjavík og fyrir neðan stendur: Fermingarósk. Inn í kortið er prentuð vísa: Unga sál! Á mætum merkisdegi / mínar heillaóskir send' ég þér. / Guð þig leiði gæfunnar vegi, / góð þín áform blessar hann og sér. / Nú er leið þú leggur út á nýja, / lærðu allt, sem gott og fagurt er, / þá mun blessuð föðurhöndin hlýja / heim þig leiða, burt er héðan fer. / G. S. Í kortinu stendur einnig: Innilegar hamingjuóskir á fermingardaginn. Til Ómars H. Jóhannssonar Frá Borgu og Jóa á Gillastöðum [Móðir Ómars var frá Gillastöðum í Laxárdal í Dalasýslu]. Á bakhlið kortsins er prentað: Snæfell, Prentverk Þorkels Jóhannessonar. - Á framhlið kortsins er ljósmynd af Dómkirkjunni í Reykjavík og undir henni stendur: Beztu fermingaróskir. Á kortinu stendur: Innilegar hamingjuóskir á fermingardaginn 1960. Til Ómars Frá Gerðu Guðrúnu og Hjördísi [Gerður var fyrri eiginkona elsta bróður Ómars, Bjarna Hlíðkvist, og Guðrún og Hjördís eru dætur þeirra]. Í kortið er einnig prentuð bænin: Vertu, guð faðir, faðir minn, / í frelsarans Jesú nafni, / hönd þín leiði mig út og inn / svo allri synd ég hafni. - Á framhlið stendur Fermingarósk og þar er mynd af litskrúðugum blómvendi sem brettur er niður yfir framhliðina. Á kortinu stendur: Innileg hamingjuósk á fermingardaginn Til Ómar H Jóhannsson Frá Jóni og fjölskyldu Gillastöðum [Móðurfjölskylda Ómars bjó á Gillastöðum í Laxárdal í Dalasýslu]. Á bakhlið er prentað: Snæfell. - Á framhlið stendur Fermingarósk og þar er mynd af tveimur rósum, gulri og rauðri, sem brettast niður yfir framhliðina. Inni í kortinu er vatnslitamynd og þar stendur einnig: Innileg hamingjuósk á fermingardaginn. Frá Möggu Jóhannesardóttur Til Ómars H. Jóhannssonar. Á bakhlið er prentað: Snæfell. - Þetta kort er mun stærra en öll hin, eða í stærðinni A4. Á framhliðinni er mynd af þremur íslenskum fánum sem dregnir eru að húni og fyrir neðan eru litskrúðug blóm. Þessari skreytingu hefur verið brett niður yfir framhlið kortsins en hefur rifnað og er nú laus frá. Fyrir neðan stendur Fermingarósk. Inni í kortinu er mynd af fjallstindum og fljúgandi mávi. Þar fyrir neðan stendur: Innilegar hamingjuóskir á fermingardaginn. Til Ómars Jóhannssonar Frá Sigríði og Guðmundi. Á bakhlið kortsins er prentað: Snæfell, Prentverk Þorkels Jóhannessonar. Gefandi er Freyja Hlíðkvist Ómarsdóttir, starfsmaður Þjóðminjasafnsins.

Aðrar upplýsingar

Ómar Hlíðkvist Jóhannsson, Notandi
Gefandi: Freyja Hlíðkvist Ómarsdóttir Sesseljudóttir

Ártal

1960

Efni

Lífræn efni, Pappír

Safnnúmer

Safnnúmer B: 2007-34-13

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Fermingarkort