Súlan
1938
Varðveitt hjá
Þjóðminjasafn Íslands
Líkan af mótorbátnum Súlan. Greinargerð þjóðminjavarðar: Hinn 31. janúar 1960 kom hingað Runólfur Ólafsson frá Akranesi. Þegar hann sá líkanið af mótorbátnum frá Vestmannaeyjum, áttaði hann sig á, að hann hafði sjálfur smíðað það fyrir Harald Árnason kaupmann í tilefni af heimssýningunni í New York. Engum hér á safninu er ljóst, hvaðan þetta líkan er hingað komið, en ef til vill hefur það komið með öðru dóti af heimssýningunni. Runólfur segir, að nú vanti sig eitthvað smávegis á líkanið, sem á því var upphaflega, svo sem húnanan á bæði möstrin*, annað patentakkerið* og lestarlúgurnar, bæði skautin eða öllu heldur skautblakkirnar, pumpusveifina. Líkanið var smíðað 1938. Runólfur smíðaði einnig fyrir heimssýninguna líkan af trillu, í sama hlutfalli og mótorbátinn, hún var ca. 30 sm á lengd, máluð. Hvað hefur orðið af henni? Skr. 1.2.1960. K.E. (Enginn bátur, Súlan VE 77, var nokkru sinni til. Það sagði mér Runólfur Ólafsson 1974, heldur gerði hann þetta líkan eftir öðrum bát (Hafrenningi?). - Trillubátslíkanið er hér í safninu, óskrásett. Þ.M.) *Guðmundur Þorsteinsson bætti úr því 1969.
Aðrar upplýsingar
Runólfur Ólafsson, Hlutinn gerði
Titill
Sérheiti: Súlan
Ártal
1938
Safnnúmer
Safnnúmer A: 15130
Safnnúmer B: 1951-377
Aðfangategund
Undirskrár
Undirskrá: Munasafn
Efnisorð / Heiti