Klyfberi
Varðveitt hjá
Þjóðminjasafn Íslands
Klyfberi, smíðaður
úr birki og með hleypiklökkum. Breidd að framan 39 cm, en að aftan
45,7 cm, hliðarfjalir látnar breikka og sveigjast inn á við fremst, og
breidd þeirra mest 8,5 cm, en mest þykkt 4,5 cm. Boginn tappaður
í hliðarfjalir, og auk þess tengist hann um hjarir úr járni fyrir klakkana,
þær skrúfaðar á. Er breidd boga 7,6 cm, þykkt 4,7 cm, en hæð undir
hann hjá miðju 9,9 cm. Klakkarnir, tveir, gerðir úr sívölum járnteini,
eru felldir í spengur úr sama efni, sum liggja upp bogann sitt hvorum megin,
og á eru hjarir yst, hæð þeirra frá spöng 7,4 cm og 7,9 cm, þykkt um 1,2
cm. Yfir klakkaspengurnar felldur hjá endum stutt hespa úr járni,
sem fest er við auga á boganum að aftan. Sett er yfir hespu þessa
að framanverðu lítil blikkspöng. Tvö göt fyrir móttök eru boruð að
framan og aftan á hliðarfjölum brúna á milli. Öðru megin er við þau
bundinn ólarspotti með götum. Sneitt er af meðfram brúnum. Ryð
á járni, viður sprunginn nokkuð og blettóttur, en brúnir hafa eyðst, ólarnar
stirðar, og sjá má sveigju á klökkum. Gefandi smíðaði klyfbera þennan
sjálfur úr birki, sem sótt var í Hallormsstaðaskóg.
Aðrar upplýsingar
Efni
Safnnúmer
Safnnúmer B: 1965-299
Stærð
41.8 x 45.7 x 0 cm
Lengd: 41.8 Breidd: 45.7 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Klyfberi