Til baka í leit
Veistu meira?

Stóll, úr kirkju

Varðveitt hjá
Þjóðminjasafn Íslands
Stóll, smíðaður úr brúnu mahóní, felldur saman, og fest með skrúfum og lími. Er hann með háu baki, skreyttur útskornum fálkamyndum og dreginn rauðu klæði við bak, arma og setu. Frá framhlið að afturhlið eru 67,2 cm, upp að setubrún um 44 cm en um 68,3 cm að bríkum. Fjórir hornstuðlar eru í stól þessum og sveigjast þeir nokkuð inn, horft frá hlið, er í þá felld sessugrind úr fjórum fjölum, en þær úr eik og spónlagðar, ofan á er umgerð, flöt, úr fjórum fjölum, og lágur, fastur púði á milli, dúkurinn er festur með eirbólum á jöðrunum en undir er plata úr krossviði, greypt í spíkargrind á sæti að innan. Brúða er milli setu og armaenda, gert úrtak að framan og þar skorin líkneskja fálka, sem stendur uppréttur og veit fram, ofan á bríkum, en þær eru úr flötum fjölum, afturmjóum, liggur listi, tæpleg 40 cm á lengd, dúkur er strengdur yfir og festur undir samskeytum, en bólstrað undir, þetta jafn breitt brík. Tvær þverfjalir eru á stólbakinu, efst og dálítið ofan við setu, í opinu púðafylla, dúkur að framan, festur með eirbólum, en að aftan brúnn leðurdúkur, festur á sama hátt. Skrautbrík er höfð ofan á baki, töppuð á brún, stykki þetta í tvennu lagi og að framan áfellur, hæst er bríkin við miðju, þar sem gerður er ferhyrndur reitur, upphár, með útskorinni mynd fálka, lágt upphleyptri, og sér á vinstri hlið, en höfð umgerð úr skrautlistum á bríkarbrún að ofan og við endana. Neðst á stólfótum að framanverðu er upphelypt gjörð umhverfis, með lóðréttum gárum. Viðurinn er gljáborinn. Greina má á stöku stað rispur og meiðsl. Mjög fallegur gripur. Stóll þessi hefur verið í ráðherrabústaðnum í Tjarnargötu og í stjórnarráði, og mun vera frá fyrstu ráðherratíð Hannesar Hafstein. Samanber bréf frá 09.07.1964.

Aðrar upplýsingar

Efni
Safnnúmer
Safnnúmer B: 1964-184
Stærð
133 x 65.7 cm Lengd: 133 Breidd: 65.7 cm
Aðfangategund
Undirskrár
Undirskrá: Munasafn
Efnisorð / Heiti