Hnappur

1750 - 1850

Varðveitt hjá

Beinhnappar 6 rendir, 4 þeirra kúftir, 2 flatir að ofan, þverm. 1,7 - 1,9 sm.: laglega gerðir, virðast útlendir. Svofeld skýrsla fylgdi gripum þessum [6649, 6650]: Síðastliðið sumar var bóndinn á Kumblavík að stinga ofanaf sverði á bakkanum skamt frá bæ sínum og kom hann þá ofan á kistu, ekki dýpra niður en í þriðju rekustungu, en við rótið datt hún öll sundur af nöglum, en var þó lítið fúin. Hann fór svo að skoða hvort nokkuð væri í kistunni, en þar var ekki annað að sjá en lítil duft- (eða eins og ösku-) rák eftir henni, og í þeirri rák láu 6 hnappar og nálhús og 2 jaxlar, en þeir voru svo fúnir að það var ekki nema skurnið utan af þeim, sem sást. Kistan var í lögun eins og kassi, bara með flötu loki. Enginn hér nærri hefir heyrt þess getið að þarna hafi verið grafinn maður og mun þetta því vera fjarska gamalt, en kistan geymst svona ófúin af því þarna er svarðarlag í jörðu. Þetta var í júní 1913. Hnappana og nálhúsið fékk eg hjá bóndanum og sendi eg það með miða þessum suður og verða þeir settir á forngripasafnið, ef þeir þykja þess verðir. - Skoruvík 20/4 1914. Kristján Þorláksson. - Gripirnir virðast ekki eldri en frá síðari hlut 18. aldar, sennilega yngri. Lítt hugsanlegt að lík hafi verið grafið í kistunni. - Í nálhúsinu og hnöppunum er enginn fúi.