Vínkanna
1737
Varðveitt hjá
Þjóðminjasafn Íslands
Úr aðfangabók:
Ölkrús úr silfri, sívöl og sljett, á 3 granateplum og eru smágreinar, steyptar og gagnskornar, kveiktar á fyrir ofan hvert þeirra; þau eru 1,9 að þverm.; efst er hringur um barmana og þverm. þar 9,3. Dýpt í botninn miðjan 10,4, en hann er lægstur í miðju. Hæð undir lok 11,4, með því 12,6. - Þverm. um botninn 8,7, um lokið 9,4. Það er á hjörum og eru þær festar ofan á handarhaldið. Rær kúptar eru á þolinmóðsendunum og grafin á þær fimm blaða blóm. Framan við hjarirnar er typpi til að lypta með lokinu; það er sem eins konar blað er klofnar efst í þrent. Handarhaldið er gildast efst; það gengur út og niður í stóran boga og er aptur neðst fest á greinina uppaf einu granateplinu; þar beygist það aptur út og niður yfir eplið; eplin og handarhaldið eru hol innan. Lokið er flatt ofan og brúnir ávalar. Á það er grafið blómskraut, 2 blaðríkar greinar, er mætast í blómi efst og mynda sveig, en á eyðuna innaní hafa verið grafin nöfnin Torsten Sigurðsson - Biörg Paals Dotter, og neðst ártalið:1737: Krúsin er með 2 pelamörkum, smálitlum innanvið handarhaldið; tekur eptir því 11/2 mörk. Stimplar eru engir, en krúsin virðist helzt vera dönsk. Eptir allri gerð sinni virðist hún enn fremur vera frá 3. fjórðungi 17. aldar eða litlu yngri, og hafa verið 50 - 60 ára er áletrunin var grafin á í skábogastíl, en þessi hefur eingin merki stíls Lúð. 14. nje ríkisforstjórastílsins. - Sbr. nr. 7703 helzt þótt sú krús sje miklu stærri, og t.d. nr. 89 (fig. 39) í Danske Sølvarbejder, Kh. 1915, bls. 18 og 20. - Þau Þorsteinn og Björg, sem krúsin er merkt, voru foreldrar þeirra bræðra Pjeturs sýslumanns og Sigurðar silfursmiðs, sjá nr. 8244; hafa þessir gripir síðan verið í ætt þeirra, Krossavíkur-ættinni.
Silfur í Þjóðminjasafni:
Í bókinni er kannan sögð vínkanna en talað um hana sem ölkrús í eldri texta.
(Sett inn af Sigrúnu Blöndal, 1.11.2010)
Aðrar upplýsingar
Gefandi: Ólafur Þorsteinn Halldórsson
Ártal
1737
Efni
Safnnúmer
Safnnúmer A: 8245
Safnnúmer B: 1921-9
Staður
Staður: Ytri-Víðivellir 1, 701-Egilsstöðum, Fljótsdalshreppur
Sýningartexti
Ölkanna úr silfri, dönsk smíð frá lokum 17. aldar en óstimpluð. Á lokið eru grafin nöfn Þorsteins Sigurðssonar sýslumanns á Víðivöllum í Fljótsdal og Bjargar Pálsdóttur konu hans og ártalið 1737, en kannan mun þó sjálf nokkru eldri. Hún gekk síðan lengi meðal afkomenda þeirra hjóna í Krossavíkurætt.
8245
Ölkanna úr silfri, dönsk smíð frá lokum 17. aldar en óstimpluð.
Aðfangategund
Undirskrár
Undirskrá: Munasafn
Heimildir
Þór Magnússon. Silfur í Þjóðminjasafn. Reykjavík, 1996: 14.
Upprunastaður
65°0'54.8"N 14°56'20.2"W