Til baka í leit
Veistu meira?

Spjótsoddur, vopn

Varðveitt hjá
Þjóðminjasafn Íslands
Spjótsoddur. Lengd 30 sm, þar af er falurinn 8 sm á lengd. Mesta br. 5.7 sm. Falurinn er aftast 2.3 sm í þvermál. Er í honum kengbrot við brúnina að innanverðu. Hryggur er eftir fjöðrinni báðum megin og verður greinilegri eftir því sem aftar dregur. Öðrum megin nær hann út á enda falsins. Fjöðrin hefur svignað lítið eitt að framan. Allur er spjótsoddurinn ryðétinn. Er brotið aftan af falnum og framan af fjöðrinni, eggjarnar skörðóttar. Á miða, sem fylgir spjótsoddinum og fleiri hlutum, sem fundust að Ytri-Tjörnum, stendur m.a.: Spjót fundið 30. júlí 1925, var þá: falurinn 9 sm langur, fjöðrin 25 sm löng, vantaði þó á oddinn, breidd fjöður efst 7 1/2 sm. - Í bréfi Baldurs Kristjánssonar til Þjóðminjavarðar, dagsettu 9.8.1950, segir um spjótið: - Það sem ég man í sambandi við þann fund er það, að eitt sinn er við bræður gengum á engjar sumarið 1925, fann ég spjótið í flagi við túnjaðarinn. Var það eins og fellt ofan í plógstreng, sem lá á hvolfi. Sjá Kristján Eldjárn: Kuml og haugfé, bls. 148-'49 og bls. 279. Sbr. Þjms. 12432, o.fl.

Aðrar upplýsingar

Efni
Safnnúmer
Safnnúmer A: 14316 Safnnúmer B: 1950-45
Stærð
30 x 0 x 0 cm Lengd: 30 Breidd: 0 Hæð: 0 cm
Staður
Staður: Ytri-Tjarnir, 601-Akureyri, Eyjafjarðarsveit
Aðfangategund
Undirskrár
Undirskrá: Fundaskrá_Munir Undirskrá: Fundaskrá
Efnisorð / Heiti

Upprunastaður

65°35'2.7"N 18°2'41.7"W