Kertastika

1900 - 1920

Varðveitt hjá

Fimm kertastikur, tálgaðar úr tré, úr Hofskirkju í Öræfum. Þær eru allar mismunandi. Fjörar þeirra eru fyrir eitt kerti, með tálguðum sting eða tanga á endanum, og ein er fyrir þrjú kerti. Kertagötin eru misstór. Stikunum með stingnum hefur annað hvort verið stungið í þiljurnar eða í bekkjarbrúðurnar en óljóst er hvernig sú fimmta var notuð. Stikurnar eru misstórar. Sú minnsta er 11 cm löng, 4,2 cm breið og 1,8 cm þykk. Önnur er 11,2 cm löng, 4 cm breið og 1,7 cm þykk. Þriðja er 12,1 cm löng, 4,2 cm breið og 1,6 cm þykk. Þessar þrjár eru svipaðar að gerð. Sú fjórða er bæði þynnri og gerð fyrir breiðara kerti. Hún er 12,3 cm löng, 7,2 cm breið og mest 1,2 cm þykk. Hin fimmta er eins og áður sagði allt annarrar gerðar, ílöng og gerð fyrir þrjú kerti. Hún er 24,8 cm löng, mest 4 cm breið og 2,2 cm þykk. Kertastikurnar munu hafa verið notaðar við aftansöng eða miðnæturmessu á jólum en móðir gefanda mundi að þá var kirkjan mjög prýdd ljósum. Það var Sigurður Björnsson, Kvískerjum, formaður sóknarnefndar Hofskirkju, sem afhenti safninu stikurnar. Enn eru tíu stikur í kirkjunni, í altarinu.