Veski
Varðveitt hjá
Þjóðminjasafn Íslands
Marglitt veski, heklað úr uppröktum nælonsokkum, lokast með rennilás. Gert af Helgu Steinvöru Baldvinsdóttur („Undínu skáldkonu“). Sjá 1966-1.
Heildarútgáfa á ljóðum Undínu kom út árið 1952, og nefnist Kvæði. Í inngangi segir m.a.:
„Tíminn varð henni ekki langur, því nú gat hún í fullkomnu næði gefið sig við því, er veitti henni mesta ánægju, en það voru hannyrðir þær, er báru nafn hennar víðsvegar um Bandaríkin og Kanada. Það voru einkum púðarnir, þessi einstæðu listaverk, er hún vann að. Af þeim er mælt að hún hafi búið til milli eitt og tvö hundruð. Þeir voru þráfaldlega á hannyrðasýningum í Bandaríkjunum, ... - og vitaskuld voru þeir verðlaunaðir. Aldrei seldi hún neinn þeirra, heldur gaf þá vinum sínum. ... Munstrin í hinum frægu púðum sínum hugsaði hún sjálf upp og teiknaði, en garnið sem hún notaði í þá var upprak úr gömlum kvensokkum. Það aflitaði hún og litaði síðan á ný, en þar er einmitt meðferð hennar á litunum, sem meistaralegust þykir... Síðari helming æfi sinnar orti hún sjaldan kvæði, og ef minnzt var á það efni við hana, var hún vön að benda á púðana og segja: „Þetta eru kvæðin mín núna“. “ (bls. xix - xx)
Aðrar upplýsingar
Safnnúmer
Safnnúmer B: 1966-3
Stærð
7.5 x 20 cm
Lengd: 7.5 Breidd: 20 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Veski