Kveikhalda

1899 - 1930

Varðveitt hjá

Kveikstykki af olíulampa (borðlampa eða vegglampa). Úr látúni. Kveikstykkið er í nokkuð góðu ástandi og kveikskrúfan virkar vel, á henni stendur: KOSMOS = BRENNER, þýskt vörumerki sem var eitt það vinsælasta í evrópskum olíulömpum (brennurum fyrir olíulampa). Kveikgatið er hringlaga. Þessir brennarar, sem upphaflega voru hannaðir árið 1865, voru merktir heitinu Kosmos frá árinu 1875 en árið 1899 keypti nýtt fyrirtæki framleiðsluna og breytti nafninu og merkingunni í Kosmos Brenner. Þetta kveikstykki getur því ekki verið eldra en frá 1899. Lamparnir voru framleiddir allt til 1970 er verksmiðjan lokaði. Með kveikstykkinu lá skrautskífa, 8,8 cm í þvermál, sem virðist vera af sama lampa. Gripirnir nr. Þjms. 2010-69 eru allir aflagðir kirkjugripir úr Skeggjastaðakirkju við Bakkafjörð í Múlaprófastsdæmi. Þeir voru afhentir til varðveislu frá Fornleifavernd ríkisins. Að höfðu samkomulagi við forráðamenn kirkjunnar (sóknarnefnd) var ákveðið að gripirnir yrðu varðveittir í Þjóðminjasafni Íslands.