Veggstjaki

1890 - 1920

Varðveitt hjá

Slitrur úr fjórum veggstjökum úr Skeggjastaðakirkju. Stjakarnir eru steyptir úr járni og hafa líklega verið með glerkúplum eða fyrir olíuljós, í það minnsta er hvergi að sjá á þeim leifar af kertavaxi. Ekki er að sjá á í þá hafi verið dregið rafmagn. Þetta eru tvö pör af stjökum sem eru mjög áþekk. Af hvoru pari er annar stjakinn heill. Skálarnar hafa snúið upp. Af öðru parinu er heili stjakinn mjög ryðgaður. Hinn er í tveimur brotum og vantar lítillega inn í svo brotin falli alveg saman. Á honum má sjá að þeir hafa verið með einhvers konar koparblönduhúð. Skálarnar eru gegnskornar og eru með blómamunstri og armurinn er einnig með jurtaskrauti. Heili stjakinn í hinu parinu hefur verið gylltur, hinn er í fjórum brotum og hefur eitt þeirra einnig verið gyllt. Hin brotin eru með húð úr koparblöndu. Þar vantar ekkert brot heldur falla brotin fjögur alveg saman. Skálarnar eru gegnskornar, eins og á hinu parinu, og með jurtaskrauti og á örmunum eru tveir fuglar og refur. Gripirnir nr. Þjms. 2010-69 eru allir aflagðir kirkjugripir úr Skeggjastaðakirkju við Bakkafjörð í Múlaprófastsdæmi. Þeir voru afhentir til varðveislu frá Fornleifavernd ríkisins. Að höfðu samkomulagi við forráðamenn kirkjunnar (sóknarnefnd) var ákveðið að gripirnir yrðu varðveittir í Þjóðminjasafni Íslands.