Hökull

1853

Varðveitt hjá

Hökull úr Skeggjastaðakirkju, frá árinu 1853. Hann er úr rauðu flaueli sem orðið er mjög upplitað, enn meir að aftanverðu en framan-. Hann er kræktur á hægri öxl með þremur koparkrækjum (lykkju vantar mót krækjunni í miðið). Á baki er krossmark með gylltum líberíborða (gullvírsborða), 5 cm breiðum. Leggingar meðfram brúnum og yfir axlir eru einnig úr gylltum líberíborða, 2,8 cm breiðum. Sá borði er orðinn slitinn og lúinn vinstra megin að aftanverðu. Hökullinn er fóðraður með hvítu lérefti. Hökullinn er sem fyrr segir orðinn mjög upplitaður og hann er skítugur, helst af flugnaskít. Gripirnir nr. Þjms. 2010-69 eru allir aflagðir kirkjugripir úr Skeggjastaðakirkju við Bakkafjörð í Múlaprófastsdæmi. Þeir voru afhentir til varðveislu frá Fornleifavernd ríkisins. Að höfðu samkomulagi við forráðamenn kirkjunnar (sóknarnefnd) var ákveðið að gripirnir yrðu varðveittir í Þjóðminjasafni Íslands.