Til baka í leit
Veistu meira?

Reiði, af reiðtygjum

1620
Varðveitt hjá
Þjóðminjasafn Íslands
Gamall reiðabúníngur úr kopar frá karlmanns söðli: í miðju er stór krínglóttur skjöldur, allur útgrafinn með hríngrósum með hálf býzönskum blöðum og dýrahöfðum, mjög vel gjört. Allt í kríng er grafið með latínuletri:  „Ellendvr, ásmvnds, son 1), á, þennan, reiða, enn, einginn, annar, 1639.“  Þar út frá hafa gengið tvær ólar með tveimur koparlaufum eða spælum á endanum, á öðrum eru tvö dýr, sem smjúga gegnum rósir, í sama stíl og á skildinum, á hinum eru tvö ljón, bæði með sama höfði (flatt ljón) og samslags rósir: stokkarnir, sem halda hríngjunum í báðum endum á volkanum, eru gjörðir alveg í hreinum býzönskum stíl, annar með hríngrósum, en hinn með hestmynd, er smýgur gegnum rósir: hann virðist eldri en hinn. Auk þessa eru 9 ferhyrndar doppur, allar útgrafnar, sem hafa verið 3 fyrir framan skjöldinn, en 6 fyrir aptan. Rósirnar á þeim sumum eru í gotneskum stíl, sem bendir á, að allur reiðabúníngurinn sé ekki jafngamall, sem líka sést af því, að á öðrum sprota-endanum, sem hefir verið að aptan, er ártalið 1620. Allt leðrið er fúið undan reiðanum. Hann fannst fyrir neðan svo kallaðan Hásand, milli Hofs og Reyðarvatns  á Rangárvöllum. Af þessu má sjá, að reiðar á karlmanns söðlum hafa verið í þá daga nærri því eins og kvennreiðar, og hérumbil eins stórir og viðhafnar-miklir. Reiðinn nr. 285 virðist líka að vera karlmannsreiði.       1) Þetta mun eflaust vera nafn Erlendar Ásmundssonar sýslumanns, er bjó á Stórólfshvoli, + 1640: hann var faðir Katrínar ríku á Hvoli.

Aðrar upplýsingar

Ártal
1620
Efni
Safnnúmer
Safnnúmer A: 591 Safnnúmer B: 1868-181
Staður
Núverandi sveitarfélag: Rangárþing ytra, Rangárþing ytra
Aðfangategund
Undirskrár
Undirskrá: Munasafn
Efnisorð / Heiti