Koffort, + hlutv.

Varðveitt hjá
Þjóðminjasafn Íslands
Koffort, tvö (1962:211
+ 212), með sama lagi, en misstór nokkuð, sem átt hefur og notað Hans póstur.
Eru þau af hinni venjulegu gerð ferðakofforta, smíðuð úr furu, geirnegld
og negld saman með járnnöglum, með flötu loki, sem nær út yfir hliðar,
en hjarir, lykkjur og læsingarútbúnaður úr járni. Hafður segldúkur
á loki og efst á baki og blikkþynnur á gaflbrúnum. Höldur úr tré
við gafla á stærra koffortinu. Bæði eru grænmáluð utan.
Lengd þessa kofforts
64,5 cm, breidd um 32 og hæð 43 cm, þykkt fjala í bol og loki 2,1 cm mest.
Í lokplötu tvær fjalir langsum, greyptar saman, oki negldur undir
við endana, spík, sem í eru gerð íbjúg úrtök yst að neðan, er hún 2,6 cm
á breidd, þykkt 2,1 cm, þrjár fjalir í hliðum og botni, negldar saman við
horn, og greyptar hver að annarri, þar sem brúnir liggja saman í hlið.
Á göflum báðum halda, spík, 30 cm á lengd, breidd 3,8 og þykkt 3,3
cm, skrúfuð föst, liggur hún skáhallt við miðju og neðri endi veit fram,
gert auga í gegn í miðju, kringlótt, þvermál 1,7 cm , ytri brúnin með sveigðri
útlínu og hækkar að miðju, en við enda skásneiðing. Tvennar hjarir
með ferhyrndum plötum, skrúfuðum á lok að innan og á bakið, en grunnt skarð
í brún gegnt þeim, breidd mest rúmlega 4,5 cm. Læsa má koffortinu
með hespu og hengilás við miðja framhlið. Á bak og ekki langt frá
hornum eru settar tvær lykkjur, þetta lóðréttar spangir með auga efst,
og hallar því út, lengd 27, 1 cm, breidd við auga 3,6 cm mest, fest er
með hnoðnöglum. Spöng, fest með hnoðnöglum og negld að, liggur lóðrétt
á framhlið miðri að neðan, sporbaugslaga auga á endum, lárétt, og fest
út í neðra augað, lengd spangarinnar 21,2 cm, ólar 37 cm. Blikkþynnur
á hornum og botnbrún gafla, negldar að.
Koffortið hefur skekkst
örlítið, viður fúinn, og sprungur í, dúkur hefur rifnað lítið eitt, járnið
er ryðgað og hespan hefur losnað frá loki, það er blettótt innan, víða
all skrámað, með skellum, og málningin eydd nokkuð við horn.
Jón Helgason, faðir
gefanda, fékk koffortin hjá Hans pósti og notaði þau á bóksöluferðum.
Aðrar upplýsingar
Gefandi: Sigurður Jónsson
Efni
Safnnúmer
Safnnúmer B: 1962-212
Stærð
64.5 x 32 x 43 cm
Lengd: 64.5 Breidd: 32 Hæð: 43 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Koffort, + hlutv.