Kringla, af skrautgrip
Varðveitt hjá
Þjóðminjasafn Íslands
Kringla úr rauðum sandsteini með dýri krotuðu á annars vegar en einhvers konar rós hins vegar. Kringlan fannst í febrúar 1956, á rúmlega 1 m dýpi á gamla bæjarstæðinu á Sökku í Svarfaðardal (heldur framar, líklega undir hlaðinu), er grafið var fyrir nýju íbúðarhúsi. Þar voru alls konar mannvistarleifar. Þvermál kringlunnar er 4,5 cm og þykktin er 0,9 cm. Þyngdin er 24,6 gr. Myndefnið gefur til kynna að kringlan gæti verið mjög gömul, þó óhægt sé að fullyrða neitt um það. Eftir að kringlan fannst hefur verið farið ofan í krotið með oddhvössu áhaldi, líklega til að hreinsa óhreinindi burt. Það gerir það að verkum að krotið virðist víða nýtt. Á kringlunni, helst í krotinu, má sjá leifar af hvítu og svörtu efni. Hvíta efnið gætu verið leifar af sápu sem kringlan hefur verið þrifin með eftir að hún fannst en óvíst er um svarta efnið sem er mun harðara en það hvíta.
Gefandi er Gunnlaugur Gíslason, bóndi á Sökku, en Kristján Eldjárn afhenti hlutinn.
Aðrar upplýsingar
Gefandi: Gunnlaugur Gíslason
Safnnúmer
Safnnúmer B: 1969-194
Stærð
4.5 x 0.9 cm
24.69 g
Lengd: 4.5 Breidd: 0.9 cm
Staður
Staður: Sakka, 621-Dalvík, Dalvíkurbyggð
Aðfangategund
Undirskrár
Undirskrá: Munasafn
Efnisorð / Heiti
Upprunastaður
65°55'43.4"N 18°32'9.9"W