Skyrta
1950 - 1980
Varðveitt hjá
Þjóðminjasafn Íslands
Upphlutsskyrta (blússa) úr þunnu, svörtu krepefni. Hún er með opnu brugðninga- og vafningamunstri með hálsmáli og fremst á ermum. Ermarnar eru smelltar fremst með tveimur smellum hvor. Við afhendingu skyrtunnar fylgdu þær upplýsingar að kona í Hafnarfirði hefði saumað hana. Að öllum líkindum hefur það verið Jóhanna Guðmundsdóttir, saumakona í Hafnarfirði (f. 1914, d. 1993). Hún saumaði margar samskonar skyrtur (sbr. upplýsingar við safngrip nr. Þjms. 1980-4). Skyrtan fylgir búningunum nr. 2008-25 en er yngri en margir hlutar þeirra.
Allir gripirnir nr. Þjms. 2008-25 (að síðasta gripnum undanskildum) eiga saman en eru í raun tveir búningar: 20. aldar upphlutsbúningur og peysuföt, þar sem sumir gripanna eru notaðir fyrir báða búningana. Í heildina eru þetta eitt pils, upphlutur, skyrta, peysufatapeysa, sjal, 6 svuntur, 3 slifsi, 2 húfur, 2 skúfhólkar, sokkar, stokkabelti, næla, húfuprjónar og títuprjónar.
Pálína Oddsdóttir afhenti þessa kvenbúninga fyrir hönd vinkonu sinnar, Áslaugar Pétursdóttur (f. 30.9.1931) sem lést síðastliðið haust. Búningarnir eru úr eigu móður Áslaugar, Sigurbjargar Pálsdóttur (f. 1908, d. 1990), og að sögn Pálínu eru þeir væntanlega frá því um 1930. Sigurbjörg og eiginmaður hennar, Pétur Ingimundarson, bjuggu að Sólvallagötu 43 í Reykjavík. Pálína bjó lengi vel í sama húsi. Hún giftist síðar bróðursyni Péturs, Ingimundi Magnússyni ljósmyndara. Pálína og Áslaug þekktust frá 1953, þá rúmlega tvítugar. Áslaug fluttist síðar í Kópavog með eiginmanni sínum, Jóni Hauki Jóelssyni (f. 1928).
Þegar Áslaug kom með gripina þann 11. júní í ár kom í ljós að pilsið og skyrtuna vantaði. Hún hafði því samband við Jón Hauk og nokkrum dögum síðar (þann 28. júní) kom hún aftur með þessar tvær flíkur. Þær skrást þó á þetta sama númer / þessa sömu dagsetningu, sem hinir hlutar búninganna.
Að sögn Pálínu var það ávalt ósk Áslaugar að þessir búningar móður hennar færu í Þjóðminjasafnið.
Aðrar upplýsingar
Ártal
1950 - 1980
Safnnúmer
Safnnúmer B: 2008-25-3
Stærð
57 x 0 cm
Lengd: 57 cm
Aðfangategund
Undirskrár
Undirskrá: Munasafn
Efnisorð / Heiti