Belti

Varðveitt hjá

Belti af kornsettu víravirki. Pörin eru stór og krækt saman eins og venjulega gerist: á parastokkunum miðjum er stórt korn og þar út undan ganga slíkar lykkjur í hring fylltar víravirki, en inn við kornið hefjast síðan aðrar lykkjur, sem ganga til beggja enda stokkanna og liggja í einlægum bugum, sem mynda eins konar blaðakrans, mjög haglega gert, en allir eru þessir bugar fyltir víravirki og hafa verið fjög svo kornsettir: nú eru kornin víða dottin af á pörtum og víravirkið sprungið á einum stað: utan um þetta verk er slétt umgerð og þar utan á snúra, alt úr silfri: undir stokkunum er slétt hólf og ætlazt til, að lindinn gangi þar í gegn og sé saumaður við það. Af beltisstokkunum eru 5 með sömu gerð sem parastokkarnir og af sömu stærð, en hólflausir: þá koma 6 doppur af víravirki og með sömu gerð sem lykkna hringurinn á miðjum parastokkunum, en miklu stærri: í hverri doppu eru t. d. 12 lykkjur og 5 korn í víravirkinu í hverri lykkju. Í þessu belti er mikið silfur og verkið hið vandaðasta, líklega eitthvert hið elzta víravirki þeirrar tegundar, það er smágert, má nefna, að á hverjum stokki hafa verið um 100 korn, en þeir eru alls 7, og á doppu hverri 60 korn, en þar eru alls 5: það verða samtals 1060 korn á öllu beltinu. Belti þessu hafði áður fylgt samfelluhnappur stór með sömu gerðð sem doppurnar: en honum var lógað fyrir nokkrum árum. Lindin er úr svörtu flaueli. Belti þetta átti frú Elín Brynjólfsdóttir, síðari kona Magnúsar sýslumanns Ketilssonar og í þeirri ætt hefir það verið til þessa.

Aðrar upplýsingar

Gefandi: Sigríður Guðmundsdóttir Eggerz
Elín Brynjólfsdóttir, Notandi

Efni

Ólífræn efni, Málmur, Silfur

Safnnúmer

Safnnúmer A: 3803 Safnnúmer B: 1893-13

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Belti