Til baka í leit
Veistu meira?

Ljósmyndasjálfsali

1929 - 1930
Varðveitt hjá
Þjóðminjasafn Íslands
Ljósmyndasjálfsali (-automat). Framleiddur af Siemens og Halske í Þýskalandi. Upphaflega keyptur til landsins 1929 eða 1930 af Ólafi Magnússyni ljósmyndara. Notaður hjá Skyndimyndum, fyrirtæki gefanda frá 1955-1997 (?). Þessu tæki fylgja tvær pappírskassettur og ýmis búnaður í tveimur pappakössum. Hæð: 1,86 m, Breidd: 62 sm, Lengd: 1,64 m.  Sjömínútnavél Skyndimynda: Kveikt var á vélinni. Stóllinn var settur í rétta hæð, þannig að augu þess sem mynda átti námu við merki l vinstra megin við hann. Síðan var kveikt á ljósunum (þegar vélin var sjálfvirk kviknuðu þau þegar myndatakan hófst, kvikasilfurrofi). Myndatakan hófst þegar „peningur“ var settur í þar til gerða rauf og féll hann í box og teljari taldi hverja myndræmu. Hamar sló í bjöllu stuttu fyrir hverja einstaka myndatöku en hægt var að stilla sláttinn á annan hátt. Við hverja myndatöku þrýstist pappírinn úr „magasíninu“ sem nam einni mynd en sex myndir voru á hverri ræmu. Þegar sex myndir voru komnar skarst ræman af pappírsrúllunni og þá byrjaði framköllunin. Fyrsta hólfið, framköllun, var með tveimur „einsats“ rennibrautum. Önnur hólf voru með einni rennibraut hvert. Í skolhólfunum voru rennibrautirnar styttri en í öðrum. Brú var milli hólfa. Eingöngu í framköllunarhólfinu var nauðsynlegt að halda réttu hitastigi og var í því rör þar sem heitt eða kalt vatn rann um eftir þörfum. Framköllunin tók 90 sekúndur, þá var skol í 30 sekúndur, vatn rann í skolhólfin og sprautaðist á pappírinn um leið og hann rann í gegnum hólfið. Næst kom bleikibað 45 sekúndur, síðan skol í 30 sekúndur. Hreinsibað í 45 sekúndur, skol í 30 sekúndur. Tónbað í 45 sekúndur, skol í 30 sekúndur og að síðustu þurrkun. Þá fór myndaræman á keðju yfir rafmagnshitara og blástur og féll í kassa utan á vélinni. Frá því að framköllunin byrjaði þar til myndirnar komu þurrar út tók ferlið 7 mínútur. Myndirnar voru brúntónaðar en til að fá svart-hvítar myndir var notaður framkallari í stað tónbaðs og þá þurfti að lýsa myndaræmuna þegar hún kom úr bleikibaðinu. Til þess var notuð ljósapera sem sett var yfir rennibrautina. (Heimildamaður: Halldór Einarsson, ljósmyndari. Annar Birna Halldórsdóttir skráði eftir föður sínum).

Aðrar upplýsingar

Siemens og Halske, Hlutinn gerði
Gefandi: Halldór Einarsson
Skyndimyndir, Notandi
Ólafur Magnússon, Notandi
Ártal
1929 - 1930
Efni
Safnnúmer
Safnnúmer B: 1999-12-1
Stærð
186 x 62 x 164 cm Lengd: 186 Breidd: 62 Hæð: 164 cm
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Munasafn
Efnisorð / Heiti