Panta mynd Notkunarskilmálar

Flugvélarskrúfa

1924

Varðveitt hjá

Þjóðminjasafn Íslands

Flugvélarskrúfa, -spaði, loftskrúfa, af flugvél Erik Nelsons flugmanns úr Bandaríkjaher, sem lenti flugvél sinni hér í Reykjavík ásamt Smith flugstjóra hinnar flugvélarinnar í fyrsta hnattfluginu 5. ágúst 1924. Spaðaranir af báðum flugvélunum, Nelsons og Smiths, skemmdust við flugtak og varð að skipta um. Þessi spaði var gefinn Pétri Þ. J. Gunnarssyni stórkaupmanni, fulltrúa Bandaríkjastjórnar, sem aðstoðað hafði flugmennina, og ákvað hann að spaðinn skyldi síðar ganga til safnsins. Spaðinn af flugvél Smiths var gefinn Reykjavíkurborg, og hékk hann lengi yfir dyrum á Borgarskrifstofununum í Austurstræti. Var þá sett klukka í hann miðjan. Skrúfan er 306 cm löng.