Til baka í leit
Veistu meira?

Barmmerki, + hlutv.

1975 - 1990
Varðveitt hjá
Þjóðminjasafn Íslands
Safn barmmerkja, alls 30 merki, sem gefandi safnaði á 8. og 9. áratug 20. aldar. Merkin eru öll í mjög góðu ástandi. Merkin eru eftirfarandi: - LANDSMÓT SKÁTA 1977, bláir stafir á hvítum grunni. - NÝTT LÝÐVELDI, VIÐEY 1986, prentað í tilefni landsmóts skáta sem þar var haldið það ár. - BANDALAG SKÁTA 75, 1912-1987, prentað í tilefni 75 ára afmælis bandalags skáta á Íslandi. - SKÁTALÍF ER ÚTILÍF, blátt merki á gulum grunni. - AFRÍKUHLAUPIÐ Sunnudaginn 25. maí 1986 (tvö samskonar merki eru í safninu). - Samvinnuferðir Landsýn, á merkinu er mynd af músinni Jenna (úr 'Tomma og Jenna') á brimbretti og merki ferðaskrifstofunnar. - Reykjavík 200 ára. Merki útgefið í tilefni 200 ára afmælis Reykjavíkurborgar árið 1986. Á merkinu er skjöldur borgarinnar, ártölin 1786 og 1986 og talan 200 í svansmynd. - Garðaskóli 20 ára, 1966-1986, merki útgefið í tilefni 20 ára afmælis gagnfræðaskóla Garðabæjar, en gefandi gekk í þann skóla ár árunum 1986-1989. - Sólstöðugangan '87, rauðir stafir og gult merki göngunnar á hvítum grunni. - KFUM ÁFRAM AÐ MARKINU, SKÓGARMENN LINDAR-RJÓÐUR, rauðir og bláir stafir og græn grein á hvítum grunni. - SJÁLFSBJÖRG, JAFNRÉTTI, bláir stafir og blátt merki samtakanna á hvítum grunni. - Vímulaus æska, LIONS INTERNATIONAL, svartir stafir, svart og rautt merki samtakanna og merki Lions í svörtum lit, á hvítum grunni. - SAMVINNUTRYGGINGAR, 5 ÁRA ÖRUGGUR AKSTUR, VERÐLAUN, merki sem úthlutað var til ökumanna sem voru óhappalausir í 5 ár. - AUTO 84, Bílgreinasambandið, svartir rauðir og bláir stafir á hvítum grunni, ferhyrnt merki. - GRÝLURNAR MÁVASTELLIÐ, merki útgefið af útkomu hljómplötunnar Mávastellsins með kvennahljómsveitinni Grýlunum árið 1983. Hljómsveitina stofnaði Ragnhildur Gísladóttir. Hljómsveitin varð gríðarlega vinsæl á árunum 1981-1984. Þá hætti hljómsveitin og Ragnhildur gekk í kjölfarið til liðs við Stuðmenn. - Merki Blindrafélagsins, þríhyrnt grænt merki með mynd af hvítum „Alladín“-lampa á. Félagið seldi slík merki til fjáröflunar um árabil. - Byggjum Leikskólann Sælukot, brún og blá mynd og stafir á hvítum grunni. Leikskólinn Sælukot er við Þorragötu 1 í Reykjavík. - Sjómannadagurinn, barmmerki úr pappír með mynd af víkingaskipi og í merkið er heftaður borði í fánalitunum. Merkið var fest á flíkur með títuprjóni. - GOÐI - fyrir góðan mat, svartir og rauðir stafir á hvítum grunni. - GALINN Í Svala. Grænir stafir og mynd af trúði á appelsínugulum grunni. Tvö samskonar merki eru í safninu. Þessi merki voru fengin á Heimilissýningum sem haldnar voru árlega í Laugardalshöll. - Ég hef tekið Pepsi áskorun! Rauðir stafir á gulum grunni. Tvö samskonar merki eru í safninu. Merkin voru fengin á Heimilissýningum sem haldnar voru árlega í Laugardalshöll. Algengt var að gerð var könnun með ómerktum glösum, í öðru var Pepsi gosdrykkur en í hinu annar cola-drykkur. Fólk var beðið að smakka og segja til um hvor drykkurinn því líkaði betur. Þetta var kallað að taka Pepsi áskorun. - DREKKIÐ Coca-Cola, hvítir stafir á rauðum grunni. Tvö samskonar merki eru í safninu. Merkin voru fengin á Heimilissýningum sem haldnar voru árlega í Laugardalshöll. - Sumir fá sér tvær, Tópas. Merkið er grænt, svart og hvít á lit. Merkið var fengið á Heimilissýningu í Laugardalshöll, en þær voru haldnar þar árlega. Fólki var þá boðið að bragða á sælgætistöflunum Tópas og þeim gefið barmmerki sem vildu. - SÍFELLT NART SKEMMIR TENNUR. Merkið er gult, svart og hvítt á lit. - LOTTÓ. Rauðir stafi og mynd af svörtum pípuhatti með gulum seðlum í (merki Lottósins) á appelsínugulum grunni. - ég er af erlendum uppruna, hvítir og gulir stafir á svörtum grunni. Gefandi er Freyja Hlíðkvist Ómarsdóttir, starfsmaður Þjóðminjasafnsins. Stærðir skráðar í Sarp 2: "Þv. 1,8 - 5,6 cm"

Aðrar upplýsingar

Ártal
1975 - 1990
Efni
Safnnúmer
Safnnúmer B: 2007-34-1
Stærð
5.6 x 0 x 0 cm Lengd: 5.6 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti