Til baka í leit
Veistu meira?

Kirkjuhurðarhringur

1100 - 1200
Varðveitt hjá
Þjóðminjasafn Íslands
Stór járnhríngur, sem fyrr var í kirkjuhurð á Hofi, og er það í munnmælum, að hann sé úr hinni fornu hofhurð, sem þar er enn sýnd.  Hríngurinn er mjög merkur, allur smeltur með silfurrósum.  Hann er 7 þumlúngar þvert yfir.  Hann er nær því alveg af sömu gjörð, og auðsjáanlega frá sama tíma og hríngur sá, sem er í hinni ágætu kirkjuhurð frá Valþjófstað, sem geymd er í forngripasafninu í Kaupmannahöfn, og sem varla er ýngri en frá tólftu öld.* Þessir hríngar eru augljós vottur um skart fornmanna, er þeir höfðu hurðarjárn silfurrósuð.  Það styrkist og af því, að á miðri seytjándu öld fannst fyrir austan silfursmeltur lás, sem enn var til 1752.  Vér vitum og fyrir víst, að lamir hafa opt verið mjög skreyttar, og eru sumar þeirra enn til.    *Uppdráttur af hurð þessari er í Nordiske Oldsager i det Kongelige Museum i Kjöbenhavn, ordnede og forklarede af J.J.A. Worsaae. 1859. 8vo.  Nr. 505 bls. 127.  (Afbildninger fra det kgl. Museum 1854, Nr. 388.)  J.S.

Aðrar upplýsingar

Ártal
1100 - 1200
Efni
Safnnúmer
Safnnúmer A: 39 Safnnúmer B: 1863-40
Stærð
17.8 x 0 cm Lengd: 17.8 cm
Staður
Staður: Hof, 690-Vopnafirði, Vopnafjarðarhreppur
Sýningartexti
Hurðarhringur, er var fyrir kirkjuhurð á Hofi í Vopnafirði og var í munnmælum sagður hafa verið í hurð fyrir hofi þar til forna. Hefur verið silfurrekinn með rósamunstri og svipaðrar gerðar og hringurinn í Valþjófsstaðarhurðinni og hurðarhringur frá Stafafellskirkju í Lóni, og því stundum talið að á þesum stöðum hafi fyrrum verið hurðir sömu gerðar. Líklegast frá um 1200. 39 Kirkjuhurðarhringur frá Hofi í Vopnafirði á norð-austurlandi, líklegast frá um 1200, sömu gerðar og hringurinn í  útskornu hurðinni frá Valþjófsstað, sem sýnd er hér í safninu. Spjaldtexti: Hringar og skraut úr járni af fornum kirkjuhurðum. Sumt hefur verið silfurrekið með skrautrósum í rómönskum og gotneskum stíl. Flest er frá um 1200 eða nokkru yngra. Athygli vekja hringar frá Hofi í Vopnafirðiog Stafafelli í Lóni,en undir honum var ferhyrnd plata. Rings and ornaments from old church doors. Some are inlaid with silver rosettes in the Romanesque or Gothic style. Most of the items date from 1200 ad or a little later. Three door-rings from churches in East Iceland.
Aðfangategund
Undirskrár
Undirskrá: Munasafn
Efnisorð / Heiti
Heimildir
Nordiske Oldsager i det Kongelige Museum i Kjöbenhavn, ordnede og forklarede af J.J.A. Worsaae. 1859. 8vo.  Nr. 505 bls. 127.

Upprunastaður

65°39'19.4"N 15°0'34.4"W