Hárgreiða

900 - 1000

Varðveitt hjá

Hárgreiða forn úr beini, hún er vel 7½ þuml. á lengd, hún er öll bogadregin einkum á bakkann, og er samansett úr 8 köflum af beini, og utaná negldir ávalir beinokar sinn hverju megin, sem eru breiðastir í miðju 10/12 þuml. sem smá mjókka svo alt til endanna, eru þeir negldir með einni röð af 17 bronsnöglum sem standa alt í gegnum: raðir af tvöföldum smáhringjum með holu í miðju, ganga eptir okunum nær efri brún, syn hverju megin 21 á hverri hlið, sem er eitt af þeim fornu einkönnum, og 2 strik ganga eptir miðjum okunum. Hárgreiða þessi er alveg ófúin og nær ekkert brotin, enn mjög máð og slitin, þannig eru tönnurnar slitnar nær uppað okum sumstaðar, sem synir, að hún hefir verið notuð afar lengi, því ekki hefi eg séð þannig áður: tönnurnar eru jafnar, og 7-8 á þuml. það er auðséð, að tönnurnar eru sagaðar eptir að okarnir eru negldir á, því sagarförin sjást neðan í röndini beggja megin, þannig er og á öllum fornum hárgeriðum hér á safninu enn þær eru flestar skemdar því nokkrar hafa fundist í fornum haugum, enn á þessari sem þá er frá fornöld (því nóg er til samanburðar) má enn greiða sér, hún er fundin í vor, þegar fjósið var lengt í Hlíðarhaga, og hefir hárgreiðan liklega legið í mikju eða þesskonar efni, því þar fúnar ekki sem alþekt er af reinslu. Ein hárgreiða er hér á safninu áður, nær eins að allri gerð, enn hún er brotin í sundr, sjá dagbók safnsins 1884. kr. 106.