Kappi, af klæðnaði
1964
Varðveitt hjá
Þjóðminjasafn Íslands
Þrír kappar úr hvítu lérefti. Kapparnir
eru hluti af vinnubúningi hússtjórnarkennara. Kapparnir eru bornir þannig
að þeir eru lagðir yfir hvirfil og festir að aftan. Einn kappinn er stífður
en hinir tveir óstífðir. Sá stífði er um 32,5 x 22,4 cm að stærð, brett
er upp á hann að framan (um 5 cm breitt uppábrot) og hann er hnepptur að
aftan með tveimur tölum, einni hvorum megin. Honum fylgja tvær hvítar hárspennur
til að festa kappann betur. Stærsti kappinn er tvöfaldur, um 35 x 27,5
cm, á honum eru engar tölur. Þriðji kappinn er tvöfaldur að hluta, um 39,3
x 29 cm, hnepptur að aftan með tveimur hvítum plasttölum, líkt og sá fyrstnefndi.
Á hann innanverðan hafa upphafsstafir gefanda / notanda: A.G. verið
skrifaðir með svörtum penna. Með köppunum fylgja fjórar hárspennur, tvær
hvítar og tvær stállitar, og ein bréfaklemma sem stungið er á bleikt pappaspjald.
Kennarabúningurinn er í heild skráður á númerin 2004-1-9 til 2004-1-11.
Hússtjórnarkennarar notuðu hvíta sloppa við vinnuna og höfðu kappa, hvíta,
stífaða, á höfðinu. Þessi búningur er frá um 1964. Gefandi saumaði búninginn
sjálf og notaði. Sjá einnig nemendabúning nr. Þjms. 2004-1-2 til 2004-1-7,
sem og servíettupoka nr. 2004-1-8.
Gefandi er Anna Guðmundsdóttir,
Reynimel 36, 107 Reykjavík, fyrrum kennari við húsmæðraskólann Laugalandi
(sjá nánar um hana í möppu: Fylgiskjöl Aðfangabókar). Hún er gefandi allra
gripanna nr. Þjms. 2004-1, flestir komu þeir til safnsins 9. janúar 2004
en einhverjir þeirra bárust hingað 14. janúar.
Aðrar upplýsingar
Ártal
1964
Efni
Safnnúmer
Safnnúmer B: 2004-1-11
Stærð
35 x 27.5 x 0 cm
Lengd: 35 Breidd: 27.5 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Kappi, af klæðnaði
Heimildir
Um Önnu Guðmundsdóttur sjá Kennaratal
á Íslandi, II, bls. 330.