Upphlutur
1930
Varðveitt hjá
Þjóðminjasafn Íslands
Upphlutur úr svörtu satíni með upphlutsborðum úr svörtu flaueli. Á þá eru saumaðar átta víravirkismillur úr gylltu silfri. Til hliðar við þær er saumað blómaskraut, samskonar og millurnar, þ.e. víravirki úr gylltu silfri. Í millurnar er þrædd keðja/reim og á enda hennar er reimarnál úr silfri, snúin. Í hálsmáli og handvegum eru bryddingar úr svörtu flaueli. Í bakið eru leggingar úr tvöföldum gylltum borða (vírstímur/vírsnúrur) með mjóum, svörtum flauelsborða í milli. Að aftan er hneppslulisti með þremur hnappagötum til að hneppa upphlutsbolinn við pilsið. Upphluturinn er í mjög góðu ástandi. Á saumum á bakstykki má sjá að hann hefur verið víkkaður. Upphlutsborðarnir að framan eru orðnir lítið eitt eyddir neðst þar sem þeir hafa núist við pilsstrenginn.
Allir gripirnir nr. Þjms. 2008-25 (að síðasta gripnum undanskildum) eiga saman en eru í raun tveir búningar: 20. aldar upphlutsbúningur og peysuföt, þar sem sumir gripanna eru notaðir fyrir báða búningana. Í heildina eru þetta eitt pils, upphlutur, skyrta, peysufatapeysa, sjal, 6 svuntur, 3 slifsi, 2 húfur, 2 skúfhólkar, sokkar, stokkabelti, næla, húfuprjónar og títuprjónar.
Pálína Oddsdóttir afhenti þessa kvenbúninga fyrir hönd vinkonu sinnar, Áslaugar Pétursdóttur (f. 30.9.1931) sem lést síðastliðið haust. Búningarnir eru úr eigu móður Áslaugar, Sigurbjargar Pálsdóttur (f. 1908, d. 1990), og að sögn Pálínu eru þeir væntanlega frá því um 1930. Sigurbjörg og eiginmaður hennar, Pétur Ingimundarson, bjuggu að Sólvallagötu 43 í Reykjavík. Pálína bjó lengi vel í sama húsi. Hún giftist síðar bróðursyni Péturs, Ingimundi Magnússyni ljósmyndara. Pálína og Áslaug þekktust frá 1953, þá rúmlega tvítugar. Áslaug fluttist síðar í Kópavog með eiginmanni sínum, Jóni Hauki Jóelssyni (f. 1928).
Þegar Áslaug kom með gripina þann 11. júní í ár kom í ljós að pilsið og skyrtuna vantaði. Hún hafði því samband við Jón Hauk og nokkrum dögum síðar (þann 28. júní) kom hún aftur með þessar tvær flíkur. Þær skrást þó á þetta sama númer / þessa sömu dagsetningu, sem hinir hlutar búninganna.
Að sögn Pálínu var það ávalt ósk Áslaugar að þessir búningar móður hennar færu í Þjóðminjasafnið.
Aðrar upplýsingar
Ártal
1930
Safnnúmer
Safnnúmer B: 2008-25-2
Stærð
45 x 0 cm
Lengd: 45 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Upphlutur