Skápur
1650 - 1700
Varðveitt hjá
Þjóðminjasafn Íslands
Skápur stór, skorinn,
er átt hefur séra Jón Halldórsson prestur í Grímsey og síðar Margrét Magnúsdóttir
kona séra Jóns Halldórssonar í Stórholti. Skápurinn er smíðaður úr
furu og er ómálaður. Gerðin er lík og t.d. á nr. 3350 og flestum
hinum eldri, íslenzku skápum, þannig að framhliðin stendur útfyrir sjálfan
skápinn á alla vegu; hann er 61,4 cm. að br. og 127 cm. að h., en framhliðin
er yfirleitt 74 - 77,3 að br. um alt miðbikið, þar er hurðin 28,5 að br.
og 92,7 að l.; en ofan- og neðan-við hana og fjalir, sem eru sín hvoru
megin við hana og jafnlangar henni, eru aðrar fjalir þversum (lárjettar),
99 að l. hin efri og 93,6 hin neðri, 29,3 að br. hin efri, í miðju, en
22,5 hin neðri. Þessar 4 fjalir eru sem umgerð um hurðina og eru
negldar með trjenöglum framaná skápinn. Þær eru allar, og hurðin
einnig, útskornar að framan og rendurnar útsagaðar og útskornar á fjölunum
um hurðina. Útskurðurinn er greinar, allmjög upphleyptar, í sívafningum
og fljettaðar saman, og á yfirfjölinni miðri er ihs og brugðið greinum
í. Á hurðinni allri er þjettur brugðningur, síendurtekið hið sama;
allur er skurðurinn mjög verklegur og myndarlegur. Á hurðinni eru
lamir, með útsorfnum spöðum að innan, hringur, skrá með laufi og lykli,
alt úr járni. Skápurinn er 31,5 cm. að dýpt og með 2 hillum. Sennilega
frá síðari hluta 17. aldar.
Aðrar upplýsingar
Ártal
1650 - 1700
Efni
Safnnúmer
Safnnúmer A: 4786
Safnnúmer B: 1901-6
Stærð
127 x 61.4 cm
Lengd: 127 Breidd: 61.4 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Skápur