Panta mynd Notkunarskilmálar

Predikunarstóll

1793

Varðveitt hjá

Þjóðminjasafn Íslands

Prédikunarstóll úr furu, fimmstrendur, 118 cm. að hæð, hver hlið 33 cm. að breidd og með 2 spjöldum í, sem á eru málaðir postularnir og Kristur, þannig að Salvator M: 1) og S: Paulus eru á miðhliðinni, guðspjallamennirnir 4 á hliðunum báðum vinstramegin, en S. Petrus og S. Bartolomeus og báðir Jakobarnir á hliðunum hægramegin. Myndirnar eru hræðilega málaðar. Á miðhliðina eru settar þessar áletranir auk þeirra er áður var getið: Efst: Hefur látid giÝra S.I.S. 2): á spjaldinu með mynd Krists: Anno 1793: á bandinu milli spjaldanna: Stólin hefr gefid Nicolaus Ionsson z Cecilia Þordar dottir. Fótlistinn hefir verið tekinn af stólnum og ekki komið til safnsins, en var á er stóllinn var skrásettur 17. ág. 1909 og stóð á honum á miðhliðinni ennfremur: GiÝrt A.J.S. 3). - Stóllinn er frá Arnarbæliskirkju: hann hefir verið sagaður og rifinn sundur er hann var tekinn til geymslu í Kotstrandar - kirkju. 1) Þ.e. mundi (heimsins). 2) Líklega séra Sigurður Ingimundsson, er var prestur í Arnarbæli 1789 - 1820 (sbr. nr. 6181). 3) Líklega Ámundi Jónsson smiður (d. 1805). Sbr. nr. 3841, 4245, 6163, 6181, 6228. Í skránni stendur að vísu H.J.S., en það mun mislestri að kenna: stóllinn er víst eftir Ámunda.