Til baka í leit
Veistu meira?

Teikning, listræn

1850 - 1890
Varðveitt hjá
Þjóðminjasafn Íslands
Teikning eftir Sölva Helgason, hinn þekkta umferðarmann ("flæking"), f. 1820, d. 1895. Myndin er í raun samsett af tveimur myndum sem þó tengjast á samskeytum með einskonar hnöppum. Hvor mynd fyrir sig er máluð á tvær pappírsarkir þannig að í raun er um fjórar pappírsarkir að ræða sem svo eru límdar saman á eitt pappaspjald. Á báðum myndum eru samskonar form; blóm og blómfléttur, í gulum, rauðum og grænum litum. Á bakhlið pappaspjaldsins er handskrift (ekki þó skrift Sölva, þar sem myndin er kölluð: Gular rósir. Litirnir eru líklega vatnslitir sem Sölvi hefur útbúið sjálfur. Myndin er í góðu ástandi og litirnir skærir og fremur lítið upplitaðir. Örlítið hefur rifnað af pappírnum á hornum og í einu horninu er örlítil rakaskemmd. Annars er myndin í góðu ástandi. Kom ásamt öðrum myndum eftir Sölva nr. 1989-136. Myndirnar eru alls sjö, sumar hverjar samsettar úr fleiri en einni mynd. Mest eru þetta blómamyndir og myndir af jurtavafningum en einnig upphafsstafir og nöfn. Þessar myndir voru í eigu Halldóru Bjarnadóttur, ritstjóra Hlínar á Akureyri (f. 14.10.1873, d. 28.11.1981) og hún gaf þær safninu 25.2.1956, tók þær svo aftur árið 1973 og kvaðst aldrei hafa gefið en afhenti þær síðan Stefáni Jónssyni arkitekt, víst að gjöf. Sonur hans, Stefán Örn Stefánsson arkitekt, gaf svo safninu teikningarnar 18.5.1989. Sjá önnur verk eftir Sölva Helgason hér í safninu nr. 7990, 8431, 8839, 10441, Á 167 og Á 171 - 176.

Aðrar upplýsingar

Ártal
1850 - 1890
Efni
Safnnúmer
Safnnúmer B: 1989-136-2
Stærð
43.1 x 69.8 cm Lengd: 43.1 Breidd: 69.8 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Teikning, listræn
Myndefni: Blómaflétta
Myndefni: Blóm, sem skraut