Nálhús

1670 - 1700

Varðveitt hjá

Nálhús úr silfri, sívalt, með hnúðum á báðum endum og eins konar kransi með skáröndum á mótum loks og húss. Lokinu er rennt ofan á húsið. Nálhúsið er komið frá Guðríði Gísladóttur biskupsfrúr (f. 1652, d. 1707), konu Þórðar Þorlákssonar biskups í Skálholti frá 1672-1697 og dóttur Vísa-Gísla sýslumanns á Hlíðarenda. Guðríður var sögð eiga mest kvenskart á Íslandi um sína daga. Þetta er góður gripur og í góðu ástandi. Nálhúsið er í hvítri pappaöskju (skartgripaöskju) sem það var í við afhendingu til safnsins. Gefandi lét eftirfarandi eigendasögu nálhússins fylgja: Þórður biskup Þorláksson + Guðríður Gísladóttir Brynjólfur Thorlacius + Jórunn Skúladóttir (Þorlákssonar biskups Skúlasonar) Helga + Sigurður alþingisskrifari Sigurðsson Sr. Brynjólfur Sívertsen á Útskálum + Steinunn Helgadóttir Þórunn + Vilhjálmur Hákonarson í Kirkjuvogi Annar + sr. Oddur Gíslason í Grindavík og síðar í Kanada Þórunn er gaf silfurnálhúsið frænku sinni: Kristjönu Helgadóttur lækni Nálhúsið nú eign dóttur hennar Helgu Laufeyjar Finnbogadóttur. Gefandi nálhússins til Þjóðminjasafns Íslands er síðastnefndur eigandi nálhússins, Helga Laufey Finnbogadóttir, Tjarnargötu 41 í Reykjavík.