Líkneski, úr kirkju

1500 - 1550

Varðveitt hjá

Líkneski Jóhannesar skírara úr Ögmundar-brík frá Skálholts-dómkirkju, sbr. Árb. Fornlfjel. 1904, bls. 24-27. Það er útskorið úr eik, hefur verið krítað og málað, en þess sjer nú að eins lítinn vott, helzt í skegginu og hárinu, sem hvorttveggja er með svörtum lit. Jóhannes er sýndur á fellingaríkri og fótsíðri kápu, er virðist hafa verið rauð, og síðum kyrtli undir. Eins konar vefjarhöttur er á höfðinu og eru á honum leifar af rauðum lit. Jóhannes heldur lambi, einkunn sinni á vinstra framhandlegg og leggur hægri hönd ofan á bak þess. Hann stendur beinn og er 69 cm. að hæð, og auk þess lafir kápan ca. 14 cm. niður-fyrir hægra megin. Líkneskið er mjög þykkt, hátt upphleypt, og er ekki holt að aptan. (CXXXVI a II). Sjá mynd í Islands kirke, I. b., bls. 245. Sjá ennfremur grein Kristjáns Eldjárn í Stakir steinar, Reykjavík 1961