Peningapyngja
1802
Varðveitt hjá
Þjóðminjasafn Íslands
Peningapyngja Valgerðar Jónsdóttur, biskupsfrúar í Skálholti (f. 1771, d. 1856). Pyngjan er úr brúnleitu skinni, með útsaumuðum blómum í gylltum, grænum og bláum litum. Á annarri hlið eru útsaumaðir upphafsstafir Valgerðar, VJ, og á hinni hliðinni ártalið 1802, hvoru tveggja með gylltum þræði. Pyngjan er rykkt saman að ofanverðu með grænu og svörtu bandi og í því hanga fjórar glerperlur, tvær bláar og tvær svartar og hvítar. Pyngjan er fallegur og góður gripur.
Gefandi, Axel Grímur Julian Thorsteinson (s: 5619934), heldur að pyngjan hafi komið til föður síns frá Steinunni Thorsteinson ljósmyndara (sem var föðursystir hans). Faðir gefanda var Axel Thorsteinson (f. 1895, d. 1984), hans faðir var Steingrímur Thorsteinson (f. 1831, d. 1913), hans faðir var Bjarni Thorsteinson / Þorsteinsson (f. 1781, d. 1876). Eiginkona Bjarna var Þórunn Hannesdóttir sem var dóttir Valgerðar Jónsdóttur er pyngjuna átti og fyrri eiginmanns hennar, Hannesar Finnssonar biskups í Skálholti (d. 1796). Valgerður var dóttir Jóns sýslumanns á Móeiðarhvoli. Hún var í föðurætt af Sigurði lögmanni Jónsssyni í Einarsnesi, og í móðurætt af Guðbrandi biskupi Þorlákssyni. Valgerður giftist í annað sinn Steingrími Jónssyni biskupi í Laugarnesi, og hafði því gifst tveimur biskupum.
Aðrar upplýsingar
Ártal
1802
Efni
Safnnúmer
Safnnúmer B: 2003-22
Staður
Staður: Skálholt, 801-Selfossi, Bláskógabyggð
Aðfangategund
Undirskrár
Undirskrá: Munasafn
Efnisorð / Heiti
Upprunastaður
64°7'38.6"N 20°31'27.2"W