Til baka í leit
Veistu meira?

Teikning, listræn

1850 - 1890
Varðveitt hjá
Þjóðminjasafn Íslands
Teikning eftir Sölva Helgason, hinn þekkta umferðarmann ("flæking"), f. 1820, d. 1895. Myndin er af blómum / blómfléttum og er í raun samsett úr tveimur áþekkum myndum, þó þær séu í ólíkum litum. Þær eru hvor um sig gerðar á ljósan pappír og svo límdar saman á eitt pappaspjald, önnur fyrir ofan hina. Blómin á efri myndinni eru máluð í rauðum, bleikum og gulum litum, en sú neðri er í rauðum og grænum litum. Líklega eru þetta vatnslitir sem Sölvi hefur sjálfur útbúið. Litirnir eru nokkuð fölir og hafa að öllum líkindum upplitast nokkuð frá því myndirnar voru gerðar. Á einhverjum tíma hafa myndirnar verið brotnar saman í fernt og bera þær þess merki þó ekki sé það mjög áberandi. Aðeins hefur rifnað af hornum myndanna (sjálfum pappírnum) en annars eru myndirnar í góðu ástandi. Kom ásamt öðrum myndum eftir Sölva nr. 1989-136. Myndirnar eru alls sjö, sumar hverjar samsettar úr fleiri en einni mynd. Mest eru þetta blómamyndir og myndir af jurtavafningum en einnig upphafsstafir og nöfn. Þessar myndir voru í eigu Halldóru Bjarnadóttur, ritstjóra Hlínar á Akureyri (f. 14.10.1873, d. 28.11.1981) og hún gaf þær safninu 25.2.1956, tók þær svo aftur árið 1973 og kvaðst aldrei hafa gefið en afhenti þær síðan Stefáni Jónssyni arkitekt, víst að gjöf. Sonur hans, Stefán Örn Stefánsson arkitekt, gaf svo safninu teikningarnar 18.5.1989. Sjá önnur verk eftir Sölva Helgason hér í safninu nr. 7990, 8431, 8839, 10441, Á 167 og Á 171 - 176.

Aðrar upplýsingar

Ártal
1850 - 1890
Efni
Safnnúmer
Safnnúmer B: 1989-136-5
Stærð
42.3 x 67.7 cm Lengd: 42.3 Breidd: 67.7 cm
Aðfangategund
Undirskrár
Undirskrá: Munasafn
Efnisorð / Heiti