Reiði, af reiðtygjum

Varðveitt hjá

Jón Sigurðsson alþingismaður á Gautlöndum: Reiði úr tvöföldu leðri, yfirborðið sútað, undirborðið ósútað, klofinn fyrir aptan og framan kúlu, br.alls um 7 cm. Koparhringur í frmri endanum, en látúnskynnur um hinn aptari. Lendarólar ganga út til beggja hliða og mynda þríhyrninga, sem venjulega. á hvorri þeirra eru 3 kopardoppur hvoru megin, negldur í gegn og ró á að neðan, tígulmyndaðar, með blómi. Rúðóttur þríhyrningur er yst á horninu öðru, farinn af hinu. Drifinn skjöldur eða reiðakúla er á miðju, kringlótt og 7 cm. að þverm., og sömuleiðis eru drifnar þynnur á sprotum út frá, er ganga út í odd. l.7,5 cm. br. 5,7 cm. Fyrir framan og aptan reiðakúluna eru 3 doppur stærri á hvorri ól en þær sem eru á lendarólunum, en að öðru leyti líkar, og ennfremur eru fyrir framan reiðakúluna 4 pör á hvorri ól og fyrir aptan hana 3 pör á hvorri ól af minni, en að öðru leyti líkum doppum eða nöglum. Alt þetta látúnssmíði ber óíslenskan svip og er sennilega á einhvern hátt innflutt, þótt reiðin sjé líklega búin til hjér. Hann er um 55 cm. að l., og br. um lendarólarnar mest um 35 cm. Volkann vantar.