Til baka í leit
Veistu meira?

Skjár

Varðveitt hjá
Þjóðminjasafn Íslands
Skjár, því nær kringlóttur, 11 og 12 sm. að þvermáli; innan í honum er sveigur 2 sm. breiður úr tré; utan um þenna sveig er strengt skafið sköturoð og er það varpað með sterkum og gildum togþræði í brúnina (herpt saman) og þannig strengt yfir sveiginn.  Tvö göt eru á sköturoðinu utan til á skjánum og á einum stað hefur það rifnað og verið saumað (rifað) saman.  Svo er skjár þessi lítill og roðið ógagnsætt, að eigi hefur hann gefið frá sér nema litla ljósglætu.  Skjáir munu nú alstaðar lagðir niður hér á landi og er þetta hið eina sýnishorn, er safnið á af þeim.

Aðrar upplýsingar

Efni
Safnnúmer
Safnnúmer A: 4897 Safnnúmer B: 1902-4
Stærð
12 x 0 cm Lengd: 12 cm
Sýningartexti
Skjár úr sköturoði, sem strengt er yfir sviga úr tré, eins og lengi voru hafðir í bæjarþekjum áður en glergluggar komu til, enda voru glerrúður framan af sjaldfengnar og dýrar. Skjárinn var oft úr líknarbelg eða þunnu, sköfnu skinni og var smeygt í gat á þekjunni. Skjárinn bar þó litla birtu inn, oft varla svo að lesbjart væri.   4897 Gluggi úr sköturoði, sem strengt er yfir sviga úr tré og stungið var í gat á torfþekjunni á íveruhúsi fólksins áður en glergluggar komu, enda glergluggar lengi sjaldséðir hjá alþýðu manna. Spjaldtexti: Skjár úr sköturoði, sem strengt er yfir granna sveigjanlega viðargrein, sviga. Skjánum var stungið í gat á torfþekjunni til að hleypa birtu í bæinn. Fish skin window. Skin of skate, stretched on a frame, which was placed in a hole in the turf roof to allow light in.
Aðfangategund
Undirskrár
Undirskrá: Munasafn
Efnisorð / Heiti
Efnisorð: Skjár
Heimildir
Jónas Jónasson. Íslenzkir þjóðhættir. Reykjavík 1934, bls. 463-464.