Handklæðagrind
Varðveitt hjá
Þjóðminjasafn Íslands
Handklæðagrind, smíðuð úr birki, rennd öll, töppuð saman og límt við samskeyti. Fjórar slár eru settar lárétt milli tveggja lóðréttra stólpa, tvær yzt á stauta, er ganga út ofarlega til beggja hliða og lárétt, ein á milli við toppana, en sú fjórða nálægt miðju, tveir fremur lágir skáfætur undir stólpum, og vita þeir þversum, eins og klakkarnir að ofan. H. grindar um 76 sm, l. um 61,5 sm og br. tæpl. 28.5 sm. Trén kringlótt í þverskurði, stólpar, stautar og fætur með upphleyptum skrautatriðum, stór kúla á samskeytum stólpa og fóta, slár sívalar. Gerðir eru knottar, hringar, tölur, sveigðar mjóddir, bumbuliðir og loks beinir kaflar. Stofnar í stólpunum tveimur um 60 sm á l., mest þvm. 4.5 sm og minnst 2.1 sm. Frá hvirfli niður að stautnum um 10 sm. Haf milli stautenda og neðri enda fóta næstum jafnt, og verður það mest um 28.5 sm. Bilið frá toppi að neðstu slá 30.5 sm. Þvm. við klakka 4 sm mest, en fætur 3.5 sm. Allar eru slár jafngildar, og þvm. um 1.6 sm. Kúlurnar, sem tengja stólpa og fætur, eru tæpl. 7 sm í þvm. Um 2.7 sm langt typpi neðan á annari, kringla með botn og lítill knotti á að framan, en á hinni gat fyrir slíkt typpi á sama stað. Á hvirflum og yzt á klökkum látúnsbóla, mun 1.8 sm í þvm. Borinn gljái á. Sjá má sprungur, gljáhúð eydd og viður og látún hafa dökknað.
Aðrar upplýsingar
Efni
Safnnúmer
Safnnúmer A: 15532
Safnnúmer B: 1954-165
Aðfangategund
Undirskrár
Undirskrá: Munasafn
Efnisorð / Heiti
Efnisorð: Handklæðagrind